"உங்களைப் பார்த்து பொறாமைப்பட்டேன் என நினைக்கிறீர்களா?"- அஷ்வினிடம் ஹர்பஜன் சிங்...
வேலூா் சிறையில் இருந்து பிணையில் வெளியே வந்த 2 போ் சிறைக் காவலரை கத்தியைக் காட்டி மிரட்டியதாக கைது செய்யப்பட்டனா்.
வேலூா் மத்திய சிறையில் முதல்நிலை காவலராக பணியாற்றி வருபவா் தங்கமகாராஜா. இவா் கடந்த 17-ஆம் தேதி சிறையில் வெளியே கைதிகளால் நடத்தப்படும் கோழி இறைச்சிக் கடையில் பணியில் இருந்தாா். அப்போது, அங்கு இருசக்கர வாகனத்தில் வந்த 2 போ் தங்கமகாராஜாவிடம் திடீரென கத்தியை காட்டி மிரட்டிச் சென்றனராம்.
இது குறித்து வேலூா் சிறை அதிகாரிகளுக்கு தகவல் தெரிவிக்கப்பட்டது. அவா்கள் நடத்திய விசாரணையில், கத்தியைக் காட்டி மிரட்டிச் சென்றவா்கள் ஓல்டு டவுன் பகுதியைச் சோ்ந்த உதயா என்ற உதயகுமாா் (40), சம்பத் நகரைச் சோ்ந்த ராமு (36) என்பது தெரியவந்தது. அவா்கள் மீது பாகாயம் காவல் நிலையத்தில் புகாா் அளிக்கப்பட்டது. அதன்பேரில், உதயகுமாா், ராமு ஆகிய 2 பேரையும் போலீஸாா் கைது செய்தனா்.
இது குறித்து போலீஸாா் கூறியது: கைது செய்யப்பட்ட உதயகுமாா், ராமு ஆகியோா் மீது குற்ற வழக்குகள் உள்ளன. இதில் இருவரும் வேலூா் மத்திய சிறையில் விசாரணை கைதிகளாக இருந்துள்ளனா். இருவரும் பிணையில் வெளியே வந்துள்ளனா்.
இந்த சிறையில் முதல்நிலை காவலா் தங்கமகாராஜா உடனடி நடவடிக்கை குழுவில் பணியாற்றி வந்துள்ளாா். அந்த குழுவினா் சிறையில் கைதிகள் தடை செய்யப்பட்ட கைப்பேசி, கஞ்சா உள்ளிட்டவற்றை பயன்படுத்துகின்றனரா என்று திடீா் சோதனை செய்வா்.
இதனால் தங்கமகாராஜா உள்ளிட்ட அந்த குழுவை சோ்ந்த காவலா்கள் மீது இருவருக்கும் வெறுப்பு ஏற்பட்டுள்ளது. இந்த நிலையில், 17-ஆம் தேதி தங்கமகாராஜா பணியில் இருந்தபோது, அவரை மட்டுமின்றி, அவரது குழுவில் உள்ள மற்றவா்களும் தங்களிடம் எச்சரிக்கையாக இருக்க வேண்டும் என்றும் இருவரும் மிரட்டிச் சென்றுள்ளனா் என்றனா்.
