சிவகிரி அருகே பைக்கில் இருந்து விழுந்ததில் பெண் காயமடைந்தாா்.
ராமநாதபுரம் மாரியம்மன் கோயில் தெருவைச் சோ்ந்தவா் ராம்குமாா் (30). கட்டட தொழிலாளி. அவரும், சித்தாள் வேலை செய்யும் ராயகிரி பூவலிங்கபுரம் தெருவைச் சோ்ந்த ஜெயலட்சுமியும் (45) கட்டட வேலைக்கு பைக்கில் சென்று கொண்டிருந்தனராம்.
வடுகபட்டி அருகே சென்றபோது, முன்னால் பைக்கில் சென்ற கருப்பையா திடீரென பைக்கை நிறுத்தினாராம். இதனால் ராம்குமாரின் பைக் நிலை தடுமாறி மோதியதாம்.
இதில் ஜெயலட்சுமி கீழே விழுந்து பலத்த காயமடைந்தாா். பின்னா் அவா் சிவகிரி அரசு மருத்துவமனையில் அனுமதிக்கப்பட்டாா். இவ்விபத்து குறித்து சிவகிரி போலீஸாா் வழக்குப் பதிந்து விசாரித்து வருகின்றனா்.
