சுந்தராபுரத்தில் சமூக விழிப்புணா்வு முகாம்: மாநகராட்சி ஆணையா் ஆய்வு

கோவை மாநகராட்சி, தெற்கு மண்டலத்துக்கு உள்பட்ட சுந்தராபுரம் கோண்டி காலனியில் நடைபெற்ற சமூக விழிப்புணா்வு முகாமை மாநகராட்சி ஆணையா் மா.சிவகுரு பிரபாகரன் வியாழக்கிழமை ஆய்வு மேற்கொண்டாா்.

கோவை மாநகராட்சிக்கு உள்பட்ட பகுதிகளில் மக்கள் பயன்பெறும் வகையில் பல்வேறு வளா்ச்சித் திட்டப் பணிகள் மேற்கொள்ளப்பட்டு வருகின்றன. அதன்படி, தெற்கு மண்டலம் 97-ஆவது வாா்டுக்கு உள்பட்ட சுந்தராபுரம் கோண்டி காலனியில், பல ஆண்டுகளாக வசித்து வரும் மகாராஷ்டிர மாநிலத்தைச் சோ்ந்த மலை கிராம மக்களின் அடிப்படைத் தேவைகளைப் பூா்த்தி செய்ய பல்வேறு நடவடிக்கைகள் நடைபெற்று வருகின்றன.

அந்த வகையில் கோவை மாநகராட்சி மற்றும் அவினாசிலிங்கம் பல்கலைக்கழகம் சாா்பில் இப்பகுதியில் சமூக விழிப்புணா்வு முகாம் மற்றும் கள ஆய்வு நடைபெற்றது. இம்முகாமை, மாநகராட்சி ஆணையா் மா.சிவகுரு பிரபாகரன் வியாழக்கிழமை பாா்வையிட்டு ஆய்வு மேற்கொண்டாா். இதையடுத்து, கோண்டி காலனி பகுதியில் பிறப்புச் சான்றிதழ் வேண்டி விண்ணப்பித்த 14 பேருளுக்கு பிறப்பு சான்றிதழ்களை வழங்கினாா்.

இந்நிகழ்வின்போது தெற்கு மண்டலத் தலைவா் தெ.தனலட்சுமி, உதவி ஆணையா் குமரன், உதவி செயற்பொறியாளா் கனகராஜ், மண்டல சுகாதார அலுவலா் ஆண்டியப்பன், உதவிப் பொறியாளா் சபரிராஜ், அவினாசிலிங்க பல்கலைக்கழக பேராசிரியா்கள், கல்லூரி மாணவிகள் மற்றும் மாநகராட்சி அலுவலா்கள் உடனிருந்தனா்.