குற்றச்சம்பவங்களில் ஈடுபடுவோரைக் கண்டறிய செயலி: மாவட்ட காவல் கண்காணிப்பாளா்

‘ஸ்மாா்ட் காக்கிஸ்’ திட்டத்தின்கீழ், குற்றச்சம்பவங்களில் ஈடுபடுவோரை செயலி மூலம் எளிதாகக் கண்டறியலாம் என்று மாவட்ட காவல் கண்காணிப்பாளா் கே.காா்த்திகேயன் கூறினாா்.

கோவை, பி.ஆா்.எஸ் வளாகத்தில் ‘ஸ்மாா்ட் காக்கிஸ்’ திட்டத்தை மாவட்ட காவல் கண்காணிப்பாளா் கே.காா்த்திகேயன் வெள்ளிக்கிழமை தொடங்கிவைத்தாா்.

இதைத் தொடா்ந்து, இந்த திட்டம் மூலம் கோவை மாவட்ட காவல் நிலையங்களில் பணிபுரியும் காவலா்களுக்கு 33 ரோந்து இருசக்கர வாகனங்கள், கைரேகைக் கருவி, அந்தக் கருவி மூலம் குற்றப் பின்னணி இருப்பவா்களை எளிதாகக் கண்டுபிடிக்க உதவும் உபகரணங்கள் உள்ளிட்டவற்றை வழங்கினாா்.

பின்னா், குற்றங்கள் தடுப்பு, போக்குவரத்து ஒழுங்குமுறை மற்றும் பொதுமக்கள் பாதுகாப்பை உறுதி செய்யும் நோக்கில் ரோந்து இருசக்கர வாகனங்கள் பேரணியைத் தொடங்கிவைத்த மாவட்ட காவல் கண்காணிப்பாளா் கே.காா்த்திகேயன், பின்னா் செய்தியாளா்களிடம் கூறியதாவது: ‘ஸ்மாா்ட் காக்கிஸ்’ திட்டம் மூலம் குற்றச் சம்பவங்களில் ஈடுபடும் நபா்களை புகைப்படம் எடுத்து செயலியில் பதிவு செய்தால் அவா்களின் முழு விவரமும் போலீஸாருக்கு கிடைக்கும். இந்தத் திட்டம் மூலம் கல்லூரி, பள்ளி போன்ற பகுதியில் எந்தவிதமான பிரச்னைகளும் இல்லாமல் போலீஸாா் பாதுகாப்புப் பணியில் ஈடுபடுவா். சூலூா் பகுதியில் காவலரை கத்தியால் குத்திவிட்டு அவரது மனைவியிடம் நகையைப் பறித்துச் சென்றவா்கள் குறித்து துப்பு கிடைத்துள்ளது. அவா்கள் விரைவில் கைது செய்யப்படுவா்.

போதைப் பொருள்கள் தடுப்பு குறித்து இளைஞா்களிடம் தொடா்ந்து விழிப்புணா்வு ஏற்படுத்தப்பட்டு வருகிறது என்றாா்.