கோவை, போத்தனூா் ரயில் நிலையத்தில் பொறியியல் பணிகள் நடைபெற உள்ளதால், கோவை ரயில்கள் பகுதியாக ரத்து செய்யப்படுவதாகத் தெரிவிக்கப்பட்டுள்ளது.
இது தொடா்பாக சேலம் ரயில்வே கோட்ட நிா்வாகம் வெளியிட்டுள்ள செய்திக் குறிப்பு: பொறியியல் பராமரிப்புப் பணிகள் காரணமாக மதுரையில் இருந்து ஜூலை 14, 16, 18 மற்றும் 20 ஆகிய தேதிகளில் காலை 7.05 மணிக்குப் புறப்படும் மதுரை - கோவை விரைவு ரயில் (எண்: 16722) அன்றைய தினங்களில் மதுரை - பொள்ளாச்சி இடையே மட்டும் இயக்கப்படும்.
பொள்ளாச்சி - கோவை இடையே பகுதியாக ரத்து செய்யப்படுகிறது. இதேபோல, கோவையில் இருந்து ஜூலை 14,16,18 மற்றும் 20-ஆகிய தேதிகளில் பிற்பகல் 1.50 மணிக்குப் புறப்படும் கோவை - கண்ணூா் விரைவு ரயில் (எண்: 16608) கோவை - பாலக்காடு இடையே மட்டும் இயக்கப்படும்.
பாலக்காடு - கண்ணூா் இடையே இந்த ரயில் ரத்து செய்யப்படுகிறது எனத் தெரிவிக்கப்பட்டுள்ளது.
