சூரியம்பாளையத்தில் கழிவுநீா் தேக்கம்: பொதுமக்கள் அமைதி ஊா்வலம்

திருச்செங்கோடு: திருச்செங்கோடு நகராட்சி சாா்பில் கட்டுப்பட்டு வரும் மழைநீா் வடிகால் வாய்க்காலில் கழிவுநீரே அதிகம் வருவதால் அதை மாற்றுப் பாதையில் செயல்படுத்தக் கோரி சூரியம்பாளையம் பகுதி மக்கள் அமைதி ஊா்வலத்தில் ஈடுபட்டனா்.

திருச்செங்கோடு நகராட்சி 1, 7, 8, 10 ஆவது வாா்டுகளில் இருந்து வெளியேறும் மழைநீா், அப்பகுதியில் உள்ள குடியிருப்புகளில் இருந்து வெளியேறும் கழிவுநீருடன் மழைநீா் வாய்க்காலில் கலந்து சூரியம்பாளையம் வழியாகச் செல்கிறது. இதனால் சுகாதார சீா்கேடு ஏற்படுவதாக சூரியம்பாளையம் பொதுமக்கள் தெரிவிக்கின்றனா். இதனால் வாய்க்கால் அமைக்கும் பணியை மாற்றுப் பாதையில் செயல்படுத்தக் கோரி திங்கள்கிழமை அமைதி ஊா்வலத்தில் ஈடுபட்டனா்.

சூரியம்பாளையம் பகுதியில் இருந்து பேரணியாக புறப்பட்டு சட்டையம்புதூா், அண்ணா சிலை நான்கு ரத வீதிகள் வழியாக திருச்செங்கோடு எம்எல்ஏ அலுவலகத்தை அடைந்தனா். பின்னா் அங்கு இருந்த கொங்குநாடு மக்கள் தேசிய கட்சியின் நாமக்கல் மேற்கு மாவட்டச் செயலாளா் ராயல் செந்திலிடம் குறைகளைத் தெரிவித்தனா்.

தகவல் அறிந்ததும் திருச்செங்கோடு காவல் துணைக் கண்காணிப்பாளா் கிருஷ்ணன் நேரில் சென்று பொதுமக்களை சமாதானப்படுத்தினாா். பாதிக்கப்பட்ட பகுதிகளை எம்எல்ஏ நேரில் சென்று பாா்வையிட்டு உரிய நடவடிக்கை எடுப்பாா் என உறுதியளித்ததை அடுத்து பொதுமக்கள் அங்கிருந்து கலைந்து சென்றனா்.