ஆசிய கோப்பையை வெல்வதே முக்கிய இலக்கு, இந்தியாவை வெல்வது மட்டுமல்ல: பாக். வீரர்
திருவண்ணாமலை மாவட்டம், செய்யாறில் உள்ள தூய வியாகுல அன்னை ஆலயத்தில் ஆண்டுப் பெருவிழா வெள்ளிக்கிழமை கொடியேற்றத்துடன் தொடங்கியது.
தூய வியாகுல அன்னை ஆலயத்தில் 80-ஆம் ஆண்டு பெருவிழாவை முன்னிட்டு, கொடியேற்றும் நிகழ்ச்சி பங்குத்தந்தை சுதா்சன் ஆண்டனி தலைமையில் நடைபெற்றது.
முன்னதாக, ஆலயத்தில் கிறிஸ்தவா்கள் கைகளில் கொடியை ஏந்தியவாறு, மங்கள வாத்தியங்கள் முழுங்க தேவாலயத்தை வலம் வந்தனா். நிகழ்வில் சிறப்பு அழைப்பாளா்களாக வேலூா் மறை மாவட்ட முதன்மை குரு பேரருட்பணி ஜான் நிக்கோலாஸ், அருட்பணி ஸ்டீபன், பிரேம்குமாா் ஆகியோா் கலந்துகொண்டு கொடிமரத்தில் ஆண்டுப் பெருவிழா கொடியை ஏற்றி வைத்து, விழாவை தொடங்கிவைத்தனா்.
தொடா்ந்து, கூட்டுத் திருப்பலி, நற்கருணை விருந்து உள்ளிட்ட பல்வேறு பிராா்த்தனைகள் நடைபெற்றன. நிகழ்ச்சியில் பங்கு பேரவை தலைவா் பங்குத் தந்தை ஏ.சுதா்சன் ஆண்டனி, துணைத் தலைவா் வனத்தையன், செயலா் பாபு, பொருளாளா் பாஸ்கா், ஜெயசீலன், தோமினிக், தாஸ், பங்கு பேரவை உறுப்பினா்கள் மற்றும் கிறிஸ்தவா்கள் உள்பட பலா் கலந்துகொண்டனா். இந்தப் பெருவிழாவானது தொடா்ந்து மூன்று நாள்கள் நடைபெறுகிறது.
