மகாராஜா இயக்குநரை நேரில் அழைத்துப் பாராட்டிய ஆஸ்கர் திரைக்கதையாளர்!
அதிமுக முன்னாள் அமைச்சா் செல்லூா் ராஜூவிற்கு எதிராக, திருச்சியில் முன்னாள் ராணுவத்தினா் சனிக்கிழமை கண்டன ஊா்வலம் நடத்தினா்.
முன்னதாக, திருச்சி வெஸ்ட்ரி பள்ளி அருகேயுள்ள மேஜா் சரவணன் நினைவு ஸ்தூபியில் ஒன்று கூடி, முன்னாள் அமைச்சரைக் கண்டித்து சிறிது நேரம் கோஷம் எழுப்பினா். பஹல்காம் தாக்குதலுக்கு பதிலடி கொடுத்த இந்திய ராணுவ வீரா்கள் குறித்து விமா்சனம் செய்த அதிமுக முன்னாள் அமைச்சரைக் கண்டித்து ஜெய் ஜவான் முன்னாள் ராணுவத்தினா் நலச் சங்கம் சாா்பில் நடைபெற்ற ஊா்வலமானது, மேஜா் சரவணன் நினைவு சதுக்கத்தில் தொடங்கி, ஆட்சியா் அலுவலகம் வரை நடைபெற்றது.
பின்னா், ஆட்சியரகத்திலிருந்து வாகனத்தில் புறப்பட்டு, திருச்சி மாவட்டக் காவல் கண்காணிப்பாளா் அலுவலகத்துக்கு சென்று, முன்னாள் அமைச்சா் மீது புகாா் மனு அளித்தனா். பொதுவெளியில் செல்லூா் ராஜூ மன்னிப்புக் கேட்கும் வரையில் எங்களது போராட்டம் தொடரும் எனவும் தெரிவித்தனா்.
