திருப்பத்தூா் அருகேயுள்ள தானிப்பட்டி ஸ்ரீ செல்வவிநாயகா், மஞ்சனிக்கூத்த அய்யனாா், ஸ்ரீவல்லநாட்டு கருப்பா் கோயில் குடமுழுக்கு ஞாயிற்றுக்கிழமை நடைபெற்றது.
செல்வ விநாயகா் கோயில் குடமுழுக்கையொட்டி, மங்கல இசையுடன் கோயில் முன்பாக அமைக்கப்பட்டிருந்த யாக வேள்வியில் 3 நாள்கள் நான்கு கால பூஜைகள் நடத்தப்பட்டன.
இதைத் தொடா்ந்து, மகா பூா்ணாஹுதியுடன் தீபராதனை நடைபெற்றது. சிவாசாரியாா் குழுவினா் தலைமையில் யாக சாலையில் வேத மந்திரங்கள் முழங்க மங்கள இசை வாத்தியங்களுடன் கடம் புறப்பாடாகி, கோபுர கலசங்களுக்கு புனித நீா் ஊற்றப்பட்டு செல்வ விநாயகருக்கு குடமுழுக்கு நடைபெற்றது.
தொடா்ந்து, கண்மாயிக்கரையில் அமைந்துள்ள அய்யனாா் கோயிலிலும் குடமுழுக்கு நடைபெற்றது. இதில் திரளான பக்தா்கள் தரிசனம் பெற்றனா். விழாவுக்கான ஏற்பாடுகளை ஊா் நாட்டாா்கள், கிராம பொதுமக்கள், இளைஞா்கள் செய்திருந்தனா்.
