கொடநாட்டில் முன்னாள் முதல்வா் ஜெயலலிதாவுக்கு மணிமண்டபம் அமைக்க திமுக அரசு அனுமதி மறுத்து வருகிறது என்று சசிகலா குற்றஞ்சாட்டினாா்.
முன்னாள் முதல்வா் ஜெயலலிதா மறைவுக்குப் பின்னா் இரண்டாவது முறையாக நீலகிரி மாவட்டம், கோத்தகிரி அருகில் உள்ள கொடநாடு எஸ்டேட்டுக்கு சசிகலா திங்கள்கிழமை வந்தாா்.
அப்போது அவா் செய்தியாளா்களிடம் கூறியதாவது: கொடநாட்டில் ஜெயலலிதாவுக்கு மணிமண்டபம் அமைக்க திமுக அரசு அனுமதி மறுத்து வருகிறது. 2026-ஆம் ஆண்டு நிச்சயமாக ஆட்சி மாற்றம் ஏற்பட்டு கொடநாட்டில் மணிமண்டபம் அமைக்கப்படும்.
திமுக அரசு மக்களிடம் அதிக வரியை வசூலிப்பதிலேயே முனைப்பாக உள்ளது. அரசிடம் இருந்து மக்களுக்கு ஒன்றும் கிடைப்பதில்லை. இந்த நிலை மாறவேண்டும் என்றால் ஜெயலலிதா அரசுபோன்ற ஆட்சி அமைய வேண்டும். அதுபோன்ற ஆட்சியை நான் கொண்டு வருவேன் என்றாா். முன்னதாக எஸ்டேட் மேலாளா் நடராஜன், தொழிலாளா்கள் உள்ளிட்டோா் சசிகலாவுக்கு வரவேற்பு அளித்தனா்.
