டிராக்டரில் சிக்கி குழந்தை உயிரிழப்பு

ஆா்.கே.பேட்டை அருகே டிராக்டரில் இருந்து தவறி விழுந்த 2 வயது குழந்தை டயரில் சிக்கி உயிரிழந்தது குறித்து போலீஸாா் விசாரித்து வருகின்றனா்.

ஆா்.கே.பேட்டை ஒன்றியம், சின்ன சானூா்மல்லாவரம் கிராமத்தைச் சோ்ந்தவா் விவசாயி அருள்பாண்டியன். இவரது மகன் சஷ்வின் (2), சனிக்கிழமை மாலை அவருக்குச் சொந்தமான விவசாய நிலத்தின் அருகே சாலையில் டிராக்டரை நிறுத்தி வைத்து ஓட்டுநா் இருக்கையில் அவரது குழந்தையை உட்கார வைத்து நெல் மூட்டைகளை டிராக்டரில் ஏற்றிக் கொண்டிருந்தாா்.

அப்போது குழந்தை எதிா்பாராதவிதமாக சாவியை இயக்கியதால் திடீரென டிராக்டா் முன்னோக்கிச் சென்றது. அப்போது குழந்தை தவறி விழுந்து டிராக்டரின் சக்கரத்தில் சிக்கியதில் குழந்தை பலத்த காயம் அடைந்தது. பின்னா், தந்தை அருள்பாண்டியன் குழந்தையை மீட்டு, இரு சக்கர வாகனத்தில் சோளிங்கா் அரசு மருத்துவமனைக்கு சென்று மருத்துவரிடம் காண்பித்தனா். அப்போது குழந்தை ஏற்கெனவே இறந்து விட்டதாக மருத்துவா் தெரிவித்தாா்.

இது குறித்து ஆா்.கே.பேட்டை போலீஸாா் வழக்குப் பதிந்து விசாரித்து வருகின்றனா்.