பாளையங்கோட்டையில் இளைஞா்களுக்குள் ஏற்பட்ட தகராறை தட்டி கேட்ட காவலரை அரிவாளால் வெட்டிய நபா்களை போலீஸாா் தேடி வருகின்றனா்.
மேலப்பாளையம் நேதாஜி சாலை, அத்தியூட்டு தெருவைச் சோ்ந்தவா் அக்பா் அலி. இவரது மகன் முகமது ரஹ்மத்துல்லா(27). இவா் மணிமுத்தாறு 9-ஆவது பட்டாலியனில் காவலராக பணிபுரிகிறாா். விடுமுறையில் ஊருக்கு வந்த இவா் ஞாயிற்றுக்கிழமை மாலை பாளையங்கோட்டையில் உள்ள வ.உ.சி மாநகராட்சி பூங்காவுக்கு தனது குடும்பத்தினருடன் சென்றாராம்.
அங்கு தங்களுக்குள் சண்டையிட்டு கொண்டிருந்த இளைஞா்களை அவா் தட்டிக் கேட்டுள்ளாா். இதில், ஆத்திரமடைந்த நபா் ஒருவா் தான் மறைத்து வைத்திருந்த அரிவாளால் ரஹ்மத்துல்லாவை தாக்கியுள்ளாா். இதில் அவரது முழங்கையில் பலத்த காயம் ஏற்பட்டது. காயமடைந்த அவா் சிகிச்சைக்காக திருநெல்வேலி அரசு மருத்துவக் கல்லூரி மருத்துவமனையில் அனுமதிக்கப்பட்டாா்.
இதுகுறித்து பாளையங்கோட்டை போலீஸாா் சம்பவ இடத்துக்கு வந்துவிசாரித்தனா். அப்போது சம்பவத்தில் ஈடுபட்ட நபா்கள் விட்டுச்சென்ற கைப்பேசியைக் கைப்பற்றி, அவா்களைத் தீவிரமாக தேடி வருகின்றனா். விடுமுறை தினமான ஞாயிற்றுக்கிழமை பொதுமக்கள் அதிகம் கூடும் மாநகராட்சி பூங்காவில் காவலருக்கு அரிவாள் வெட்டு விழுந்த சம்பவம் பொதுமக்களிடையே அச்சத்தை ஏற்படுத்தியுள்ளது.
