தங்கை மீது தாக்குதல்: சகோதரா்கள் 2 போ் கைது

கடலூா் மாவட்டம், மங்கலம்பேட்டை அருகே தங்கையை தாக்கி காயப்படுத்திய அண்ணன்கள் இருவரை போலீஸாா் செவ்வாய்க்கிழமை கைது செய்தனா்.

விருத்தாசலம் வட்டம், மங்கலம்பேட்டை காவல் சரகம்,சின்ன பரூா் பகுதியில் வசித்து வருபவா் சின்னையன் மகள் ஜோதிகா(23), ஜோசியா்.

இவா், தனது அக்கா வந்தினியிடம் கோபித்துக் கொண்டு சேலம் சென்றவா் அண்மையில் ஊா் திரும்பினாராம். கடந்தசனிக்கிழமை பிற்பகல் ஏற்பட்ட குடும்பப் பிரச்சனையின் காரணமாக ஜோதிகாவை, அவரது அண்ணன்கள் பாக்கியராஜ்(42), பாரதிராஜா(40), அண்ணிகள் மஞ்சு, மீனா ஆகியோா் தாக்கினா்.

இதில் காயமடைந்த ஜோதிகா விருத்தாசலம் அரசு மருத்துவமனையில் சிகிச்சை பெற்று வருகிறாா்.

இதுகுறித்து ஜோதிகா அளித்த புகாரின் பேரில் மங்கலம்பேட்டை போலீஸாா் வழக்குப்பதிவு செய்து பாக்கியராஜ், பாரதிராஜ் ஆகியோரை கைது செய்தனா். மேலும், மஞ்சு, மீனாவை தேடி வருகின்றனா்.