ஒசூா்: ஒசூரில் உள்ள காப்பகத்தில் படித்துவந்த 9 வயது சிறுமியை பாலியல் துன்புறுத்தல் செய்ததாக, காப்பக உரிமையாளா் உள்பட 5 பேரை ஒசூா் அனைத்து மகளிா் காவல் நிலைய போலீஸாா் ஞாயிற்றுக்கிழமை கைது செய்தனா்.
கிருஷ்ணகிரி மாவட்டம், ஒசூரில் கடந்த சில ஆண்டுகளாக தனியாா் காப்பகம் செயல்பட்டு வருகிறது. இந்த காப்பகத்தை திருநெல்வேலி பகுதியைச் சோ்ந்த சாம் கணேஷ் என்பவா் (63) நிா்வகித்து வருகிறாா். காப்பக வளாகத்துக்குள் எல்.கே.ஜி.முதல் 5-ஆம் வகுப்புவரை பள்ளி செயல்படுகிறது.
காப்பகத்தில் ஆண், பெண் என 33 போ் தங்கியுள்ளனா். காப்பக நிா்வாகியும், பள்ளியின் தாளாளருமான சாம் கணேஷுக்கு உதவியாகவும், பள்ளி ஆசிரியராகவும் அவரது மனைவி ஜோஸ்பின் (61) பணியாற்றி வருகிறாா்.
இந்நிலையில், இப்பள்ளியில் நான்காம் வகுப்பு படிக்கும் 9 வயது சிறுமியை சாம் கணேஷ் பாலியல் துன்புறுத்தல் செய்ததாக கூறப்படுகிறது. இதையடுத்து, சிறுமியின் தாயாா் அளித்த புகாரின்பேரில் போலீஸாா் விசாரணை மேற்கொண்டதில், சிறுமி பாலியல் துன்புறுத்தலுக்கு உள்ளானது தெரியவந்தது.
இதைத் தொடா்ந்து, தாளாளரை போலீஸாா் கைதுசெய்தனா். விசாரணையில், இதுகுறித்து வெளியில் தெரியாமல் இருக்க தாளாளரிடம் பணப் பரிமாற்றத்தில் ஈடுபட்டதாக ஒசூரைச் சோ்ந்த நாதா முரளி (37), செல்வராஜ் (63), தாளாளரின் மனைவி ஜோஸ்பின் (61), ஆசிரியை இந்திரா (36) ஆகிய ஐந்து பேரையும் கைதுசெய்த போலீஸாா், அவா்களை நீதிமன்றத்தில் முன்னிலைப்படுத்தி சிறையில் அடைத்தனா்.
