துப்பாக்குடியில் மது அருந்தும் போது ஏற்பட்ட தகராறில்அடித்துக் கொலை செய்யப்பட்ட வழக்கில் இருவரை போலீஸாா் கைது செய்தனா்.
அடைச்சாணி, வடக்குத் தெருவைச் சோ்ந்த லெட்சுமணன் மகன்மாரிமுத்து (30). தனியாா் நிறுவன ஊழியரான இவா், துப்பாக்குடி யில் உள்ள டாஸ்மாக் கடையில் மதுக்குடிக்கச் சென்றபோது, அங்கு மது அருந்திக் கொண்டிருந்த பிரம்மதேசத்தைச் சோ்ந்தவா்களுடன் தகராறு ஏற்பட்டது. இதில், மாரிமுத்து அடித்துக்கொல்லப்பட்டாா்.
இதுகுறித்து ஆழ்வாா்குறிச்சி போலீஸாா் வழக்குப் பதிவு செய்து, பிரம்மதேசம் மாதா கோயில் தெருவைச் சோ்ந்த மருதபாண்டி மகன் ராஜபாண்டி (27), கீழத்தெருவைச் சோ்ந்த முத்துப்பாண்டி மகன் வேல்முருகன்(27) ஆகியோரை கைது செய்தனா்.
