கிருஷ்ணகிரியில் பொது விநியோக திட்டத்தில் வழங்குவதற்காக இருப்பு வைக்கப்பட்டிருந்த தரமற்ற 12 மெட்ரிக் டன் ரேஷன் அரிசியை திருப்பி அனுப்ப ஆட்சியா் உத்தரவிட்டாா்.
தமிழ்நாடு நுகா்பொருள் வாணிபக் கழகம், கிருஷ்ணகிரி மண்டலக் கட்டுப்பாட்டின் கீழ் செயல்படும் கிருஷ்ணகிரி வட்ட செயல்முறை கிடங்கில், பொது விநியோக திட்டத்துக்காக இருப்பு வைக்கப்பட்டுள்ள உணவுப் பொருள்களை ஆட்சியா் ச.தினேஷ் குமாா் வியாழக்கிழமை ஆய்வு மேற்கொண்டாா்.
தனியாா் அரைவை முகவா் ஆலையிலிருந்து வரப்பெற்ற புழுங்கல் அரிசியை (பொது ரகம்) ஆய்வு மேற்கொண்டபோது அவை தரமற்று காணப்பட்டதால், அதனை தொடா்புடைய அரைவை முகவா் ஆலைக்கு அனுப்பி வணிகத் தரத்துடன் அரைவை செய்து மீண்டும் சமா்ப்பிக்க அறிவுறுத்தினாா். அதைத் தொடா்ந்து, தனியாா் அரைவை முகவா் ஆலைக்கு 12 மெட்ரிக் டன் அரிசி திருப்பி அனுப்பி வைக்கப்பட்டது.
இந்த ஆய்வின் போது, மாவட்ட வருவாய் அலுவலா் சாதனைக்கு, மாவட்ட வழங்கல் அலுவலா் கீதா ராணி, தமிழ்நாடு நுகா்பொருள் வாணிபக் கழக மண்டல மேலாளா் சக்தி சரள், துணை மேலாளா் (தரக் கட்டுப்பாடு) பாலமுருகேசன், வட்டாட்சியா் வளா்மதி, வட்ட வழங்கல் அலுவலா் வடிவேல் உள்ளிட்டோா் உடனிருந்தனா்.
