தலைமைப் பொறியாளா் கைது: பாரபட்சமற்ற விசாரணை வேண்டும்: வே.நாராயணசாமி

புதுச்சேரி: புதுவை பொதுப் பணித் துறை தலைமைப் பொறியாளா் எம்.தீனதயாளன் லஞ்ச வழக்கில் கைதான நிலையில், பாரபட்சமற்ற விசாரணையை சிபிஐ தொடர வேண்டும் என முன்னாள் முதல்வா் வே.நாராயணசாமி வலியுறுத்தினாா்.

இதுகுறித்து புதுச்சேரியில் திங்கள்கிழமை செய்தியாளா்களிடம் அவா் கூறியதாவது:

புதுவை என்.ஆா்.காங்கிரஸ், பாஜக கூட்டணி ஆட்சியில் முதல்வரின் வசமுள்ள துறைகளிலும், கல்வி, பொதுப் பணித் துறை உள்பட அனைத்துத் துறைகளிலும் முறைகேடுகள் நடைபெற்றுள்ளதை காங்கிரஸ் சாா்பில் சுட்டிக்காட்டி வருகிறோம். ஆனால், அதற்கு முதல்வா், அமைச்சா்கள் பதிலளிப்பதில்லை. லஞ்ச வழக்கில் புதுவை பொதுப் பணித் துறை தலைமைப் பொறியாளா் கைது செய்யப்பட்டுள்ளாா். பொதுப் பணித் துறை சாா்பில் புதிய பேருந்து நிலையம் கட்டியது, குமரகுருபள்ளத்தில் அடுக்குமாடி குடியிருப்பு கட்டியது என பல்வேறு முறைகேடுகள் நடைபெற்றுள்ளன.

சங்கராபரணி ஆற்றில் கழிவுநீரை சுத்திகரித்து விடுவதற்கான ஒப்பந்தத்தில் அதிகளவு தொகை குறிப்பிட்ட நிறுவனத்துக்கு அனுமதி வழங்கப்பட்டு, செயலருக்கு அனுப்பி வைக்கப்பட்டுள்ளது. ஆகவே, அதிலும் முறைகேடு நடந்துள்ளது.

பொதுப் பணித் துறை தலைமைப் பொறியாளா் லஞ்ச வழக்கில் கைதான நிலையில், அவரது நாள் குறிப்பு, கைப்பேசிகள் சிபிஐயால் கைப்பற்றப்பட்டுள்ளன. இந்த விவாகரத்தை பாரபட்சமற்ற முறையில் விசாரணை நடத்த வேண்டும். பொதுப் பணித் துறை அமைச்சா் விசாரணைக்கு தன்னை உள்படுத்தி பதவி விலக வேண்டும். அதிகாரிகளின் முறைகேடுகள் சம்பந்தப்பட்ட துறை அமைச்சா், முதல்வருக்கு தெரியாமல் நடந்திருக்காது.

பொதுப் பணித் துறை அமைச்சரின் சொத்து விவரங்களையும் விசாரிக்க வேண்டும். அவா் பதவியை விட்டு விலகக் கோரி அவரது வீட்டு முன் போராட்டம் நடத்தவுள்ளோம். தமிழகத்தில் நடைபெற்ற முறைகேடுகள் குறித்து பேச விரும்பவில்லை. புதுவை எங்கள் மாநிலம் என்பதால் அதுகுறித்து மட்டுமே பேசுவோம் என்றாா் வே,.நாராயணசாமி.

பேட்டியின்போது முன்னாள் எம்எல்ஏ கே.அனந்தராமன் உள்ளிட்டோா் உடனிருந்தனா்.