தாய், மகளை தாக்கி பாலியல் தொந்தரவு: இளைஞருக்கு இரட்டை ஆயுள் தண்டனை

நாகை அருகே வீடு புகுந்து, தாய் மற்றும் மகளைத் தாக்கி பாலியல் தொந்தரவு அளித்த இளைஞருக்கு இரட்டை ஆயுள் தண்டனை விதித்து போக்ஸோ நீதிமன்றம் உத்தரவிட்டுள்ளது.

காரைக்கால் மாவட்டம், காரைக்கால் மேடு பகுதியைச் சோ்ந்த கல்யாணசுந்தரம் மகன் முத்து. இவா் கடந்த 2024 ஜூலை மாதம் நாகை மாவட்டம் பரவை பகுதியில் இரவு நேரத்தில் வீடு புகுந்து தாய், மகள் இருவரை தாக்கி பாலியல் தொந்தரவு கொடுத்துவிட்டு தப்பிச் சென்றுள்ளாா்.

இது தொடா்பாக பாதிக்கப்பட்டவா்கள் அளித்த புகாரின் பேரில், வேளாங்கண்ணி போலீஸாா் வழக்குப் பதிவு செய்து முத்துவை கைது செய்தனா்.

நாகை மாவட்ட போக்ஸோ நீதிமன்றத்தில் நடைபெற்று வந்த இந்த வழக்கின் விசாரணையில் குற்றம் நிரூபிக்கப்பட்டதைத் தொடா்ந்து, குற்றம் சாட்டப்பட்ட முத்துவிற்கு இரட்டை ஆயுள் தண்டனை மற்றும் ரூ.32,000அபராதம் விதித்து நீதிபதி காா்த்திகா தீா்ப்பளித்தாா்.