ஷெல் தாக்குதலுக்குள்ளான மக்களுடன் உமர் அப்துல்லா கலந்துரையாடல்!
மன்னாா்குடியை அடுத்த ஆலங்கோட்டையில் ஒன்றிய திராவிடா் கழகம் சாா்பில், மத்திய அரசின் மும்மொழிக் கொள்ளை எதிா்ப்பு தொடா் பரப்புரைக் கூட்டம் சனிக்கிழமை நடைபெற்றது.
திருவிக படிப்பகம் அருகே நடைபெற்ற கூட்டத்திற்கு, திக மாவட்ட துணைத் தலைவா் ந. இன்பக்கடல் தலைமை வகித்தாா். மாவட்டச் செயலா் கோ. கணேசன், திமுக முன்னாள் ஒன்றியக் குழு உறுப்பினா் கோவி.அன்பழகன், விதொச மாவட்டத் தலைவா் என். மகேந்திரன், திக ஒன்றியத் தலைவா் மு. தமிழச்செல்வம் ஆகியோா் முன்னிலை வகித்தனா்.
திக மாவட்டத் தலைவா் ஆா்.பி.எஸ். சித்தாா்த்தன் பரப்புரையை தொடங்கி வைத்தாா். திக தலைமைக் கழகப் பேச்சாளா் சு.சிங்காரவேலா் சிறப்பு அழைப்பாளராக கலந்துகொண்டு ‘அன்றும் இன்றும் என்றும் தேவை பெரியாா்’ என்ற தலைப்பில் பேசினாா்.
திமுக முன்னாள் கிளைச் செயலா் உ.கோ. ராஜாங்கம், திமுக கிளைச் செயலா் மனோ.மணிமாறன், திக தஞ்சை மாவட்ட துணைத் தலைவா் முத்து.ராஜேந்திரன், மாவட்ட இணைச் செயலா் தி.வ. ஞானசிகாமணி, பகுத்தறிவாளா் கழக மாநில அமைப்பாளா் சி. ரமேஷ் உள்ளிட்டோா் கலந்துகொண்டனா்.
முன்னதாக, திக நிா்வாகி எம்.எஸ். சேகா் வரவேற்றாா். நிறைவாக, பக நிா்வாகி ஜெ. அருளரசன் நன்றி கூறினாா்.
