"மராத்தியில் பேசினால்தான் பணம்" - டெலிவரி பாய்யிடம் வாக்குவாதம்; வைரல் வீடியோவின் பின்னணி என்ன?

சமீபகாலமாக மும்பையில் அரசு அலுவலகம், வங்கியில் மராத்தி பேச வேண்டும் என்ற கோரிக்கை எழுந்திருக்கிறது.

மகாராஷ்டிரா நவநிர்மான் சேனா தொண்டர்கள் மராத்தி பேசாத வங்கி அதிகாரியை வங்கிக்குள் சென்று அடித்து உதைத்தனர்.

இப்போது மராத்தி பிரச்னையால் உணவு டெலிவரி செய்யும் டெலிவரி பாய்களும் பாதிக்கப்பட்டுள்ளனர்.

மும்பை பாண்டூப் பகுதியில் பீட்சா டெலிவரி செய்வதற்காகச் சென்ற நபரிடம் ஒரு தம்பதி மராத்தியில் பேசினால்தான் பணம் கொடுப்போம் என்று கூறி வாக்குவாதம் செய்துள்ளனர்.

ரோஹித் என்ற அந்த வாலிபர் பீட்சா டெலிவரிக்காக மும்பை பாண்டூப் பகுதியில் உள்ள ஒரு வீட்டிற்குச் சென்றார். அங்கு இருந்த தம்பதியிடம் பீட்சாவை டெலிவரி செய்வதற்காக வந்தார்.

ஆனால் அவர் மராத்தியில் பேசாமல் இந்தியில் பேசினார். தம்பதி மராத்தியில் பேசினால்தான் பீட்சாவை வாங்கிக்கொண்டு பணம் கொடுப்போம் என்று கூறி வாக்குவாதம் செய்தனர்.

அத்தம்பதி கதவை முழுமையாகத் திறக்காமல் கிரில் கதவை மூடிக்கொண்டு உள்ளே இருந்து கொண்டு பேசினர்.

மராத்தி தெரியவில்லையெனில் ஏன் அதனைப் பேச வேண்டும் என்று கட்டாயப்படுத்துகிறீர்கள் என்று ரோஹித் தெரிவித்தார்.

அதற்கு நீ மும்பையில் இருப்பதால் மராத்தி பேச வேண்டும் என்று அப்பெண் தெரிவித்தார்.

மராத்தியில் பேச வேண்டும் என்று யார் சொன்னது என்று ரோஹித் கேட்டார்.

இது தொடர்பாக இருவருக்கும் இடையே வாக்குவாதம் முற்றியது.

"இது போன்று நிபந்தனை விதித்தால் இனிமேல் ஆர்டர் செய்யாதீர்கள். நீங்கள் பணம் கொடுக்காவிட்டாலும் பரவாயில்லை. பீட்சாவில் எதாவது பிரச்னை இருந்தால் சொல்லுங்கள்" என்று ரோஹித் தெரிவித்தார்.

இருவரும் பேசுவதை ரோஹித் தனது மொபைல் போனில் பதிவு செய்தார். அதற்கு அப்பெண் எதிர்ப்பு தெரிவித்தார்.

அதற்கு உங்களை வீடியோ எடுக்கவில்லை என்றும், சத்தத்தை மட்டுமே பதிவு செய்வதாக ரோஹித் தெரிவித்தார்.

இறுதியில் அத்தம்பதி பீட்சாவிற்குப் பணம் கொடுக்கவில்லை. ரோஹித் பணம் வாங்காமலேயே சென்றுவிட்டார்.

இது குறித்து பீட்சாவை அனுப்பிய டோமினோஸ் நிர்வாகம் எந்தக் கருத்தும் தெரிவிக்கவில்லை. ரோஹித் அத்தம்பதியுடன் பேசிய பேச்சுக்கள் சமூக வலைத்தளத்தில் வைரலாக பரவி இருக்கிறது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்https://bit.ly/3OITqxs

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://bit.ly/3OITqxs