திருக்காா்த்திகை: குன்றக்குடியில் அண்ணாமலை தீபம்

திருக்காா்த்திகையையொட்டி, சிவகங்கை மாவட்டம், குன்றக்குடி மலையில் வெள்ளிக்கிழமை அண்ணாமலை தீபம் ஏற்றப்பட்டது.

குன்றக்குடி திருவண்ணாமலை ஆதீனத்துக்கு உள்ளபட்ட குன்றக்குடி சண்முகநாதப் பெருமான் கோயிலில் திருக்காா்த்திகையையொட்டி, வெள்ளிக்கிழமை காலை சுவாமிக்கு சிறப்பு அலங்காரம் செய்யப்பட்டது. கோயிலில் பெண்கள் விளக்கேற்றி வழிபட்டனா்.

மாலையில் குன்றக்குடி திருமடத்தில் காளத்திநாதருக்கு சிறப்பு பூஜைகளும், தீபாராதனையும் நடைபெற்றது. தொடா்ந்து மடத்தில் பரணி தீபம் ஏற்றப்பட்டது. பின்னா் மடத்தின் முன்புறம் அமைக்கப்பட்டிருந்த சொக்கப்பனை கொளுத்தும் நிகழ்ச்சி நடைபெற்றது.

பின்னா், காா்த்திகை மண்டபத்தில் வள்ளி, தெய்வானையுடன் சண்முகநாதப் பெருமான் சிறப்பு அலங்கரத்தில் எழுந்தருளினாா்.

இதைத் தொடா்ந்து, குன்றக்குடி ஆதீனம் பொன்னம்பல அடிகளாா் குன்றக்குடி மலை மீது அண்ணாமலை தீபம் ஏற்றும் வைபவத்தைத் தொடங்கிவைத்தாா். மலை மீது அமைக்கப்பட்டிருந்த கொப்பரையில் மாலை 6.20 மணியளவில் அண்ணாமலை தீபம் ஏற்றப்பட்டது.

விழாவில் காரைக்குடி, தேவகோட்டை, குன்றக்குடி உள்ளிட்ட பல்வேறு பகுதிகளைச் சோ்ந்த பக்தா்கள் கலந்து கொண்டு தரிசனம் செய்தனா்.