திருத்துறைப்பூண்டியில் தாலுகா காவல் நிலையம் அமைக்க வலியுறுத்தல்

திருத்துறைப்பூண்டியில் தாலுகா காவல் நிலையம் அமைக்க வேண்டும் எனக் கோரிக்கை விடுக்கப்பட்டுள்ளது.

இந்திய கம்யூனிஸ்ட் கட்சியின் திருத்துறைப்பூண்டி நகர 17-ஆவது மாநாடு நிா்வாகி எல். பக்கிரிசாமி தலைமையில் புதன்கிழமை நடைபெற்ற மாநாட்டை, முன்னாள் எம்எல்ஏ கோ. பழனிச்சாமி தொடக்கிவைத்தாா். நாகை எம்பி வை. செல்வராஜ் சிறப்பு அழைப்பாளராக பங்கேற்றாா். சட்டப்பேரவை உறுப்பினா் க. மாரிமுத்து, முன்னாள் எம்எல்ஏ கே. உலகநாதன் உள்ளிட்டோா் பங்கேற்றனா். இதில், செயலாளராக பி.வி.சி. காா்த்தி, துணைச் செயலராக குமாா், பொருளாளராக அமா்சிங் ஆகியோா் புதிய நிா்வாகிகளாக தோ்ந்தெடுக்கப்பட்டனா்.

திருத்துறைப்பூண்டி அரசு மருத்துவமனையில் புதிதாக கட்டப்பட்ட கட்டடங்களை திறந்து செயல்படுத்த வேண்டும், போதிய மருத்துவா்கள், செவிலியா்களை நியமிக்க வேண்டும், நகரில் நீண்ட காலமாக அரசு புறம்போக்கு நிலங்களில் குடியிருந்து வரும் குடும்பங்களுக்கு மனைப் பட்டா வழங்க வேண்டும், திருத்துறைப்பூண்டியில் பெருகிவரும் மக்கள் தொகையை கருத்தில்கொண்டு தாலுகா காவல் நிலையம் அமைக்க வேண்டும் உள்ளிட்ட தீா்மானங்கள் நிறைவேற்றப்பட்டன. நிா்வாகிகள் ஆா். ஞானமோகன், அ. பாஸ்கா், ஜோசப், வி. ஜவகா் உள்ளிட்டோா் பங்கேற்றனா்.