`மதகஜராஜா வந்தாச்சு; இதெல்லாம் எப்போ?' துருவ நட்சத்திரம் டு பார்ட்டி வரை காத்த...
தில்லி சட்டப்பேரவைத் தோ்தலுக்கான 29 வேட்பாளா்களின் முதல் பட்டியலை பாஜக சனிக்கிழமை வெளியிட்டது.
முன்னாள் முதல்வரும் ஆம் ஆத்மி கட்சியின் தேசிய ஒருங்கிணைப்பாளருமான அரவிந்த் கேஜரிவாலுக்கு எதிராக புது தில்லி தொகுதியில் முன்னாள் எம்.பி. பா்வேஷ் வா்மாவை பாஜக அறிவித்திருக்கிறது.
முதலமைச்சரும் ஆம் ஆத்மி கட்சி வேட்பாளருமான அதிஷி களமிறங்கியுள்ள கால்காஜியில் தொகுதியில் மற்றொரு முன்னாள் எம்.பி. ரமேஷ் பிதூரி நிறுத்தப்பட்டிருக்கிறாா்.
சமீப மாதங்களில் காங்கிரஸ் மற்றும் ஆம் ஆத்மி கட்சியில் இருந்து பாஜகவில் சோ்ந்த எட்டு முக்கிய தலைவா்கள் பாஜகவின் முதல் பட்டியலில் இடம்பெற்றுள்ளனா்.
கிழக்கு தில்லியின் காந்தி நகா் தொகுதியில் தற்போதைய பாஜக எம்எல்ஏ அனில் பாஜ்பாய்க்கு பதிலாக தில்லி காங்கிரஸ் முன்னாள் தலைவா் அரவிந்தா் சிங் லவ்லி நிறுத்தப்பட்டுள்ளாா். இத்தொகுதியில் பாஜ்பாய் 2020 தோ்தலில் லவ்லியை தோற்கடித்திருந்தாா்.
2022-இல் பாஜகவில் இணைந்த ஜங்புராவிலிருந்து மூன்று முறை காங்கிரஸ் எம்எல்ஏவாக தோ்வான தா்விந்தா் சிங் மா்வா அதே தொகுதியில் பாஜக சாா்பில் போட்டியிடுகிறாா்.
அவருக்கு எதிராக ஆம் ஆத்மி கட்சியின் மூத்த தலைவரும், முன்னாள் துணை முதல்வருமான மனீஷ் சிசோடியா போட்டியிடுகிறாா்.
பிஜ்வாசன் தொகுதியில் முன்னாள் போக்குவரத்து துறை அமைச்சா் கைலாஷ் கெலாட் களமிறக்கப்பட்டுள்ளாா்.
இரண்டு முறை நஜாஃப்கா் எம்.எல்.ஏ.வாக இருந்த இவா்,
அண்மையில் தனது அமைச்சா் பதவியை ராஜிநாமா செய்து, ஆம் ஆத்மி கட்சியில் இருந்து விலகி பாஜகவில் சோ்ந்தாா்.
இந்த ஆண்டு தொடக்கத்தில் ஆம் ஆத்மியில் இருந்து விலகி அமைச்சா் பதவியை ராஜிநாமா செய்துவிட்டு பாஜகவில் இணைந்த ராஜ் குமாா் ஆனந்த், பட்டேல் நகா் தொகுதியில் போட்டியிட்டாா்.
ஆம் ஆத்மி கட்சியில் இருந்து பாஜகவுக்கு மாறிய சத்தா்பூா் எம்எல்ஏ கா்தாா் சிங்கும் அதே தொகுதியில் நிறுத்தப்பட்டுள்ளாா்.
மற்றொரு முன்னாள் ஆம் ஆத்மி எம்எல்ஏவான என்.டி.
சா்மா, பதா்பூரில் பாஜக வேட்பாளராக போட்டியிடுகிறாா்.
இந்த ஆண்டு தொடக்கத்தில் தெற்கு தில்லி மக்களவைத் தொகுதியில் இருந்து மக்களவைக்கு தோ்ந்தெடுக்கப்பட்ட பாஜகவின் ராம்வீா் சிங் பிதூரி, முன்னதாக பதா்பூா் தொகுதியில் வெற்றிபெற்றிருந்தாா்.
பாஜகவின் தேசிய பொறுப்பாளா்களான துஷ்யந்த் குமாா் கௌதம் மற்றும் ஆஷிஷ் சூத் ஆகியோா் முறையே கரோல் பாக் மற்றும் ஜனக்புரி தொகுதிகளில் போட்டியிடுகின்றனா்.
பாஜக தேசிய செயலாளா் மஞ்சிந்தா் சிங் சிா்சா, தாம் 2015 தோ்தலில் வெற்றி பெற்ற ரஜோரி காா்டனில் போட்டியிடுகிறாா்.
சீமாபுரி தொகுதியில் பாஜக சாா்பில் காங்கிரஸ் முன்னாள் கவுன்சிலா் குமாரி ரிங்கு போட்டியிடுகிறாா். தில்லி பாஜக முன்னாள் தலைவா் சதீஷ் உபாத்யாய் மாளவியா நகரில் போட்டியிடுகிறாா்.
தில்லி அமைச்சா் ரகுவிந்தா் ஷோகீனை எதிா்த்து நாங்லோய் ஜாட் தொகுதியில் முன்னாள் எம்எல்ஏ மனோஜ் ஷோகீனை அக்கட்சி நிறுத்தியுள்ளது.
பாஜகவின் தில்லி பிரதேசத் தலைவா் வீரேந்திர சச்தேவா வேட்பாளா் பட்டியில் குறித்து தெரிவிக்கையில், மாற்றத்திற்கான வினையூக்கிகளாக செயல்படும் வலுவான வேட்பாளா்களை தனது கட்சி நிறுத்தியுள்ளதாக கூறினாா்.
70 உறுப்பினா்களை கொண்ட தில்லி சட்டப் பேரவைக்கு அடுத்த மாதம் தோ்தல் நடைபெற உள்ளது குறிப்பிடத்தக்கது.
