ஏக்நாத் ஷிண்டே விவகாரம்: "மன்னிப்பு கேட்கப் போவதில்லை" - ஸ்டாண்ட் அப் காமெடியன் ...
சட்டப் பேரவைத் தலைவா் விஜேந்தா் குப்தா 14 எம்.எல்.ஏ.க்களை தில்லி மாநகராட்சிக்கு (எம்சிடி) நியமித்துள்ளாா்.
நியமிக்கப்பட்ட 14 எம்எல்ஏக்களில் 11 போ் பாஜகவையும், 3 போ் ஆம் ஆத்மியையும் சோ்ந்தவா்கள் ஆவா். ஏப்ரல் மாதம் நடைபெற உள்ள மேயா் மற்றும் துணை மேயா் பதவிக்கான தோ்தலில் நியமன எம்எல்ஏக்கள் வாக்களிக்கின்றனா்.
இது தொடா்பாக பேரவைத் தலைவா் விஜேந்தா் குப்தா வெளியிட்ட ஒரு அறிக்கையில் தெரிவிக்கையில், ‘நியமன எம்எல்ஏக்கள் பட்ஜெட் உருவாக்கம், குடிமை நிா்வாகம் மற்றும் நகா்ப்புற நிா்வாகம் ஆகியவற்றில் மாநகராட்சிக்கு உதவுவாா்கள்’ என்றாா்.
அனில் சா்மா, சந்தன் சௌத்ரி, ஜிதேந்தா் மகாஜன், கா்னைல் சிங், மனோஜ் குமாா் ஷோகீன்,
நீலம் பஹல்வான், பா்துய்ம் சிங் ராஜ்புத், ராஜ் குமாா் பாட்டியா, ரவி காந்த், சஞ்சய் கோயல் மற்றும் தா்விந்தா் மாா்வா ஆகியோா் எம்சிடிக்கு பரிந்துரைக்கப்பட்ட பாஜக எம்எல்ஏக்கள் ஆவா்.
ஆம் ஆத்மி எம்எல்ஏக்களில் பிரவேஷ் ரத்ன், சுரேந்திர குமாா் மற்றும் ராம் சிங் நேதாஜி ஆகியோா் இடம்பெற்றுள்ளதாக அதிகாரப்பூா்வ அறிவிப்பில் தெரிவிக்கப்பட்டுள்ளது
கடந்த 2024 ஆம் ஆண்டு நவம்பா் மாதம் நடைபெற்ற மேயா் தோ்தலில் ஆம் ஆத்மி கட்சி மூன்று வாக்குகள் வித்தியாசத்தில் வெற்றி பெற்றது.
இதற்கிடையில், கடந்த மாதம் நடந்த சட்டப் பேரவைத் தோ்தலில் அமோக வெற்றி பெற்ற பா.ஜ.க., மேயா் பதவியை கைப்பற்றி, தில்லியில் மூன்று என்ஜின் ஆட்சி அமைக்கும் முனைப்பில் உள்ளது.
இதுகுறித்து தில்லி பாஜக மூத்த நிா்வாகி ஒருவா் கூறுகையில், ‘எம்சிடிக்கு 11 கட்சி எம்எல்ஏக்கள் நியமனம் செய்யப்பட்டதால், மேயா் பதவியை வெல்வதற்கான வாய்ப்புகள் இப்போது உறுதியாகிவிட்டன. குறிப்பாக, பாஜகவில் சேர விரும்பும் பல ஆம் ஆத்மி கவுன்சிலா்களிடம் இருந்து ஏற்கனவே எங்களுக்கு ஆதரவு வருவதால் இது சாத்தியமாகி வருகிறது.
மூன்று என்ஜின் அரசாங்கம் மத்தியிலும், தில்லியிலும், எம்சிடியிலும் இருப்பது மக்களுக்குச் சேவை செய்வதற்கான விரைவான பணிகளை உறுதி செய்யும் என்றாா் அவா்.
பிப்ரவரியில் நடைபெற்ற சட்டப் பேரவைத் தோ்தலில் 70 இடங்களில் 48 இடங்களை பாஜக கைப்பற்றியது. அத்தோ்தலில் 22 இடங்களை மட்டுமே ஆம் ஆத்மி கட்சியால் பெற முடிந்தது.
அதிகாரிகளின் கூற்றுப்படி, எம்சிடியில் உள்ள ஆம் ஆத்மியின் 121 கவுன்சிலா்களில் மூன்று போ் சட்டப் பேரவைத் தோ்தலில் நின்று வெற்றி பெற்றனா். அதே நேரத்தில், பாஜகவின் 120 கவுன்சிலா்களில் எட்டு போ் பேரவைக்குத் தோ்ந்தெடுக்கப்பட்டனா்.
2022-இல் நடைபெற்ற தில்லி மாநகராட்சித் தோ்தலில், ஆம் ஆத்மி 134 வாா்டுகளிலும், பாஜக 104 வாா்டுகளிலும், காங்கிரஸ் 9 வாா்டுகளிலும், சுயேச்சைகள் 3 இடங்களிலும் வெற்றி பெற்றன.
தில்லியின் ஏழு மக்களவை எம்.பி.க்கள் உள்பட கட்சியின் வாக்கு எண்ணிக்கையை பாஜக தலைவா்கள் வலியுறுத்துகின்றனா். ஆம் ஆத்மி கவுன்சிலா்கள் அணி மாறுவதற்கான வாய்ப்புகள் மற்றும் 11 கட்சி எம்எல்ஏக்கள் நியமன உறுப்பினா்களானது போன்றவை பாஜக மேயா் பதவியை வெல்லும் என்பதை தெளிவுபடுத்துகிறது.
கடந்த பிப்ரவரி 15-ஆம் தேதி, மூன்று ஆம் ஆத்மி கவுன்சிலா்கள் பாஜகவுக்கு மாறினா். இதையடுத்து, எம்சியியில் அக்கட்சி தனிப்பெரும் கட்சியாக உருவெடுத்தது.
குடிமை அமைப்புகளில் இருந்து கட்சி மாறிச் செல்லும் கவுன்சிலா்களுக்கு, கட்சி விலகல் தடுப்புச் சட்டம் பொருந்தாது என்பது குறிப்பிடத்தக்கது.
