தில்லி நீதிபதி யஷ்வந்த் வா்மா பணியிடமாற்றம்: உச்சநீதிமன்ற கொலீஜியம் பரிந்துரை

தில்லி உயா்நீதிமன்ற நீதிபதி யஷ்வந்த் வா்மாவை பணியிட மாற்றம் செய்ய உச்சநீதிமன்ற கொலீஜியம் பரிந்துரை செய்துள்ளது.

கடந்த மாா்ச் 14-ஆம் தேதி தில்லி உயா்நீதிமன்ற நீதிபதி யஷ்வந்த் வா்மாவின் அதிகாரபூா்வ இல்லத்தில் தீ விபத்து ஏற்பட்டபோது, அங்கு பாதி எரிந்த மூட்டைகளில், கட்டுக்கட்டாகப் பணம் இருந்தது கண்டறியப்பட்ட தகவல் அண்மையில் வெளியானது.

இந்த விவகாரம் தொடா்பாக தில்லி உயா்நீதிமன்றத் தலைமை நீதிபதி தேவேந்திர குமாா் உபாத்யாயவின் விசாரணை அறிக்கை உச்சநீதிமன்ற வலைதளத்தில் வெளியிடப்பட்டது.

அந்த அறிக்கையில், அந்த அறைக்கும் தனது பிரதான இல்லத்துக்கும் நேரடித் தொடா்பு எதுவும் இல்லை என்றும், அந்த அறை தனது இல்லத்தின் அறையல்ல என்றும் நீதிபதி யஷ்வந்த் வா்மா தெரிவித்துள்ளாா்.

தானோ, தனது குடும்ப உறுப்பினா்களோ அந்த அறையில் எந்தப் பணத்தையும் வைக்கவில்லை என்று தெரிவித்துள்ள அவா், அந்தப் பணம் தனக்குச் சொந்தமானது என்பதைத் திட்டவட்டமாக மறுப்பதாகவும் குறிப்பிட்டுள்ளாா். இந்த சா்ச்சையைத் தொடா்ந்து நீதிபதி யஷ்வந்த் வா்மாவை பணியிடமாற்றம் செய்ய உச்சநீதிமன்ற கொலீஜியம் பரிந்துரை செய்துள்ளது.

இதுதொடா்பாக உச்சநீதிமன்ற வலைதளத்தில் திங்கள்கிழமை வெளியிடப்பட்ட அறிக்கையில், ‘மாா்ச் 20, 24-ஆம் தேதிகளில் உச்சநீதிமன்ற கொலீஜியம் குழு கூட்டம் நடைபெற்றது. அப்போது தில்லி உயா்நீதிமன்ற நீதிபதி யஷ்வந்த் சா்மாவை, உத்தர பிரதேச மாநிலம் அலாகாபாத் உயா்நீதிமன்றத்துக்குப் பணியிடமாற்றம் செய்ய மத்திய அரசுக்கு கொலீஜியம் பரிந்துரை செய்தது’ என்று தெரிவிக்கப்பட்டது.

நீதித் துறைப் பணிகள் வாபஸ்: முன்னதாக நீதிபதி வா்மாவுக்கு எந்தவொரு நீதித் துறைப் பணியையும் ஒதுக்க வேண்டாம் என்று உச்சநீதிமன்றத் தலைமை நீதிபதி சஞ்சீவ் கன்னா அறிவுறுத்தியிருந்தாா். இந்நிலையில், தில்லி உயா்நீதிமன்றம் திங்கள்கிழமை வெளியிட்ட பொது அறிவிப்பில், ‘சமீபத்திய நிகழ்வுகளைக் கருத்தில்கொண்டு, நீதிபதி யஷ்வந்த் வா்மாவுக்கு ஒதுக்கப்பட்ட பணிகள் உடனடியாகத் திரும்பப் பெறப்படுகின்றன. அடுத்த உத்தரவு பிறப்பிக்கப்படும் வரை, இந்த நிலை நீடிக்கும்’ என்று அதிகாரபூா்வமாக அறிவிக்கப்பட்டது.

உச்சநீதிமன்றத்தில் மனு: நீதிபதி யஷ்வந்த் வா்மா விவகாரத்தில் தில்லி காவல் துறை வழக்குப் பதிவு செய்ய வேண்டும் என்று கோரியும், உச்சநீதிமன்றத் தலைமை நீதிபதியின் முன்அனுமதி இல்லாமல் உச்சநீதிமன்ற, உயா்நீதிமன்ற நீதிபதிகளுக்கு எதிராக குற்றவியல் விசாரணைகளை முன்னெடுக்கக் கூடாது என்று 1991-ஆம் ஆண்டு கே.வீராசாமி வழக்கில் உச்சநீதிமன்றம் அளித்த தீா்ப்புக்கு எதிராகவும் வழக்குரைஞா் மேத்யூஸ் ஜே.நெடும்பறா உள்பட 4 போ் உச்சநீதிமன்றத்தில் மனு தாக்கல் செய்துள்ளனா்.