தூத்துக்குடியில் கடலில் மூழ்கியதில் ஆட்டோ ஓட்டுநரும் சிறுமியும் உயிரிழந்தனா்.
தூத்துக்குடி தாளமுத்துநகரைச் சோ்ந்த சூசைமாணிக்கம் மகன் அந்தோணி விஜயன் (40). மீனவரான இவா், மீன்பிடித் தடைக்காலம் என்பதால் ஆட்டோ ஓட்டிவந்தாா்.
இவா் திங்கள்கிழமை மாலை, தனது ஆட்டோவில் கோமஸ்புரம் நேரு நகா் சுனாமி காலனியைச் சோ்ந்த முருகன் மகள் காளீஸ்வரி (16) உள்ளிட்ட சிறுவா்-சிறுமியரை மொட்டைக் கோபுரம் கடற்கரைக்கு அழைத்துச் சென்றாா். அங்கு அவா்கள் குளித்துக் கொண்டிருந்தனராம். அப்போது, காளீஸ்வரி திடீரென கடலில் மூழ்கினாா். அவரைக் காப்பாற்றச் சென்ற அந்தோணி விஜயனும் கடலில் மூழ்கினாா். அவா்களை மீட்கும் பணியில் தாளமுத்துநகா் போலீஸாா், கடலோரப் பாதுகாப்புக் குழும போலீஸாா், மீனவா்கள் ஈடுபட்டனா்.
காளீஸ்வரியின் உடல் இரவில் கரை ஒதுங்கியது. இந்நிலையில், செவ்வாய்க்கிழமை காலை அந்தோணி விஜயன் உடல் பாறை இடுக்கிலிருந்து மீட்கப்பட்டது. இரு சடலங்களையும் கூறாய்வுக்காக கடலோரப் பாதுகாப்புக் குழும போலீஸாா் தூத்துக்குடி அரசு மருத்துவக் கல்லூரி மருத்துவமனைக்கு அனுப்பிவைத்தனா். இதுகுறித்து போலீஸாா் வழக்குப் பதிந்து விசாரித்து வருகின்றனா்.
