தேரத்ல் நன்கொடை: பாஜக ரூ.2,600 கோடி, காங்கிரஸ் ரூ. 281 கோடி! தோ்தல் ஆணையம் தகவல்

2023-24-ஆம் ஆண்டில் தோ்தல் நன்கொடையாக பாஜக ரூ.2,604.74 கோடியும், காங்கிரஸ் ரூ. 281.38 கோடியும் பெற்றதாக தோ்தல் ஆணையம் வெளியிட்ட தகவலில் தெரிவிக்கப்பட்டுள்ளது.

கடந்த ஏப்ரல்-மே மாதங்களில் 18-ஆவது மக்களவைத் தோ்தல் நடைபெற்றது. இதையடுத்து, கடந்த மாா்ச் 31 வரை அரசியல் கட்சிகள் பெற்ற நன்கொடை குறித்த தரவுகளை தோ்தல் ஆணையம் வெளியிட்டது.

கடந்த 2019 மக்களவைத் தோ்தலுக்கு முன்னதாக நன்கொடையாக பாஜக ரூ.740 கோடியும், காங்கிரஸ் ரூ.146 கோடியும் பெற்றிருந்தது.

இந்நிலையில், 2023-24-ஆம் ஆண்டில் ‘ப்ரூடண்ட் எலக்டோரல் டிரஸ்டிடம்’ இருந்து ரூ.723 கோடியும், ‘டிரையம்ப் எலக்டோரல் டிரஸ்டிடம்’ இருந்து ரூ.127 கோடியும் என மொத்தம் ரூ.2,604.74 கோடியை பாஜக பெற்றுள்ளது.

இதே காலகட்டத்தில் எலக்டோரல் டிரஸ்டிடம் இருந்து ரூ.150 கோடி, காங்கிரஸ் மூத்த தலைவா்கள் சோனியா காந்தி, ராகுல் காந்தி, பிரியங்கா காந்தி, கே.சி.வேணுகோபால் மற்றும் திக்விஜய சிங் உள்ளிட்டவா்களிடம் இருந்து ரூ.1.38 லட்சம் என மொத்தம் ரூ.281.38 கோடியை காங்கிரஸ் பெற்றுள்ளது. குறிப்பாக காங்கிரஸுக்கு ‘எங்கள் தலைவருக்கு பிறந்தநாள்- ஜேகேபி’ என்ற தலைப்பின்கீழ் பலா் நன்கொடை செலுத்தியுள்ளனா்.

தோ்தல் நிதிப் பத்திரங்களின்கீழ் பெற்ற நன்கொடை குறித்த தரவுகளை பாஜக மற்றும் காங்கிரஸ் ஆகிய இரு கட்சிகளும் வெளியிடவில்லை. இவை இரு கட்சிகளின் ஆண்டுக் கணக்கில் தெரிவிக்கப்படவுள்ளது.

ஆம் ஆத்மி-ரூ.11.06 கோடி: தேசிய கட்சியான ஆம் ஆத்மி 2023-24-ஆம் ஆண்டில் ரூ.11.06 கோடியும், மாா்க்சிஸ்ட் கம்யூனிஸ்ட் ரூ.7.64 கோடியும் நன்கொடையாக பெற்றுள்ளன. அதேபோல் வடகிழக்குப் பிராந்தியத்தின் ஒரே தேசிய கட்சியான தேசிய மக்கள் கட்சி (என்பிபி) ரூ.14.85 லட்சம் நன்கொடை பெற்றுள்ளது.

அதிக நிதி பெற்ற பாஜக: தோ்தல் நிதி பத்திரங்கள் திட்டத்தின்கீழ் அதிக நன்கொடையை பாஜக பெற்றுள்ளது. அந்தக் கட்சிக்கு வேதாந்தா, பாரதி ஏா்டெல், முத்தூட், பஜாஜ் ஆட்டோ, ஜிண்டால் குழுமம், டிவிஎஸ் மோட்டாா்ஸ் உள்ளிட்ட நிறுவனங்கள் தோ்தல் பத்திரங்கள் மூலம் நன்கொடை வழங்கியுள்ளன.

‘பியூச்சா் கேமிங் அண்ட் ஹோட்டல் சா்வீஸ்’ நிறுவனத்திடம் இருந்து ரூ.3 கோடியை பாஜக பெற்றுள்ளது. இந்த நிறுவனத்தின் உரிமையாளா் சாண்டியாகோ மாா்டின், பண முறைகேடு தடுப்புச் சட்டத்தின்கீழ் அமலாக்கத்துறை விசாரணை வளையத்தில் உள்ளாா்.

‘பியூச்சா் கேமிங்’ அதிக நன்கொடை: பியூச்சா் கேமிங் அண்ட் சா்வீசஸ் நிறுவனம் பல்வேறு கட்சிகளுக்கு தோ்தல் நிதி பத்திரங்கள் திட்டம் மூலம் அதிக நன்கொடையை வழங்கியுள்ளது. அந்த வகையில், திரிணமூல் காங்கிரஸுக்கு ரூ.542 கோடி, திமுகவுக்கு ரூ.503 கோடி, ஒய்எஸ்ஆா் காங்கிரஸ் கட்சிக்கு ரூ.154 கோடி நன்கொடை வழங்கியுள்ளது.

கட்சிகள் நன்கொடை

பாஜக ரூ.2,604.74 கோடி

காங்கிரஸ் ரூ.281.38 கோடி

ஆம் ஆத்மி ரூ.11.06 கோடி

மாா்க்சிஸ்ட் கம்யூனிஸ்ட் ரூ.7.64 கோடி