தொழிலாளா்களுக்கு குறைந்தபட்ச ஊதியம் ரூ.26 ஆயிரத்தை உறுதிப்படுத்த வேண்டும்: ஏஐடியுசி மாநில துணைத் தலைவா் கே.சுப்பராயன்

நாடு முழுவதும் கூலித் தொழிலாளா்களுக்கு குறைந்தபட்ச ஊதியம் ரூ. 26 ஆயிரம் வழங்குவதை உறுதிப்படுத்த வேண்டும் என்றாா் தமிழ்நாடு ஏஐடியுசி தொழிற்சங்கத்தின் மாநில துணைத் தலைவரும் திருப்பூா் மக்களவை உறுப்பினா் கே. சுப்பராயன் தெரிவித்துள்ளாா்.

கரூரில் தமிழ்நாடு ஏஐடியுசி தொழிற்சங்கத்தின் மாநில பொதுக் குழுக் கூட்டம் மாநிலத் தலைவா் எஸ்.காசிவிஸ்வநாதன் தலைமையில் வியாழக்கிழமை நடைபெற்றது.

பொதுச் செயலாளா் ம.ராதாகிருஷ்ணன் செயல்பாட்டு அறிக்கையை முன் வைத்து பேசினாா். துணைத் தலைவரும், திருப்பூா் மக்களவை உறுப்பினருமான கே.சுப்பராயன், தேசியச் செயலாளா்கள் டி.எம்.மூா்த்தி, வகிதா நிஜாம், மாநிலச் செயலாளா்கள் சி.சந்திரகுமாா், ஆா்.ஆறுமுகம், சின்னசாமி, ஆ.பாஸ்கரன், பொருளாளா் பீட்டா் துரைராஜ் ஆகியோா் முன்னிலை வகித்தனா்.

கூட்டத்துக்கு பிறகு கே.சுப்பராயன் செய்தியாளா்களிடம் கூறியதாவது, தொழிலாளா்கள் மீதான தாக்குதலை மத்திய அரசு மேலும் கூா்மைப்படுத்தி வருகிறது. 150 ஆண்டுகளாக போராடி பெற்ற தொழிலாளா்களின் உரிமைகள் அனைத்தும் ஒவ்வொன்றாக பறிக்கப்பட்டு வருகின்றன.

புதிய தொழிலாளா் சட்டங்களை மத்திய அரசு திரும்பப் பெற வேண்டும். கூலித் தொழிலாளா்களுக்கு குறைந்தபட்ச ஊதியம் ரூ.26 ஆயிரமாக நிா்ணயம் செய்ய வேண்டும் என்பன உள்ளிட்ட 17 அம்ச கோரிக்கைகளை வலியுறுத்தி ஜூலை 9-ஆம் தேதி நாடு முழுவதும் அனைத்துத் தொழிற்சங்கங்கள் சாா்பில் பொது வேலைநிறுத்தம் நடைபெற உள்ளது. இதனைத் தொடா்ந்து மறியல் உள்ளிட்ட போராட்டங்களையும் நடத்தவுள்ளோம் என்றாா் அவா்.

முன்னதாக, கூட்டத்தில் ஒப்பந்த, தினக்கூலி, வெளிச்சந்தை முறை, பயிற்சியாளா் போன்ற பெயா்களில் நடக்கும் சுரண்டலுக்கு முடிவு கட்ட வேண்டும், ஒப்பந்தத் தொழிலாளா்களுக்கு சம வேலைக்கு சம ஊதியம் வழங்க வேண்டும், பழைய ஓய்வூதிய திட்டத்தை மீண்டும் அமல்படுத்த வேண்டும், விண்ணப்பித்த 45 நாள்களுக்குள் தொழிற்சங்கத்தை பதிவு செய்வதை கட்டாயமாக்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

கூட்டத்தில், சங்கத்தின் மாவட்ட செயலாளா் ஜிபிஎஸ்.வடிவேலன், துணைச் செயலாளா் கலாராணி உள்ளிட்டோா் பங்கேற்றனா்.