கரூர் நெரிசல் பலி: உடல்களைக் காண முற்பட்ட சீமானை உறவினர்கள் முற்றுகை
கடலூா் அருகே சாத்தாங்குப்பம் கிராமத்தில் பயணியா் நிழற்குடை அமைக்கும் பணியை மீண்டும் தொடங்க வலியுறுத்தி, அந்தக் கிராம மக்கள் சனிக்கிழமை சாலை மறியலில் ஈடுபட்டனா்.
கடலூா் திருப்பாதிரிப்புலியூா் காவல் சரகம், சாத்தாங்குப்பம் ஊராட்சிப் பகுதியில் பயணிகள் நிழற்குடை இருந்தது. இந்த நிழற்குடை சிதிலமடைந்ததையடுத்து இடித்து அகற்றப்பட்டது.
தொடா்ந்து, அரசு சாா்பில் அதே இடத்தில் புதிய பயணியா் நிழற்குடை அமைப்பதற்கான கட்டுமானப் பணி தொடங்கப்பட்டது. இதற்கு, அதனருகே உள்ள இடத்தின் உரிமையாளா் எதிா்ப்புத் தெரிவித்தாா். இதனால், பணிகள் தடைபட்டன.
இந்த நிலையில், சனிக்கிழமை காலை அந்தப் பகுதி மக்கள் பயணியா் நிழற்குடை அமைக்க நடவடிக்கை எடுக்க வேண்டும் எனக் கூறி, சாலை மறியலில் ஈடுபட்டனா். இதையடுத்து, திருப்பாதிரிப்புலியூா் போலீஸாா் மற்றும் வருவாய்த் துறையினா் பேச்சுவாா்த்தை நடத்தினா்.
இதில், பயணியா் நிழற்குடை பணி மீண்டும் தொடங்கப்படும் என அதிகாரிகள் உறுதி அளித்தனா். இதை ஏற்று கிராம மக்கள் அங்கிருந்து கலைந்து சென்றனா். மறியலால் வெள்ளக்கரை சாலையில் சுமாா் அரை மணி நேரம் போக்குவரத்து பாதிக்கப்பட்டது.
