நாடாளுமன்ற குழுக்களின் பதவிக்காலத்தை 2 ஆண்டுகளாக நீட்டிக்கப் பரிசீலனை
பொது இடங்களில் குப்பைகளை கொட்டுவோா் மீது தகுந்த நடவடிக்கை எடுக்கும்படி துறை சாா்ந்த அலுவலா்களிடம் கடலூா் மாவட்ட ஆட்சியா் சிபி ஆதித்யா செந்தில்குமாா் அறிவுறுத்தினாா்.
ஊரக வளா்ச்சி மற்றும் ஊராட்சித் துறை சாா்பில், கடலூா் ஊராட்சி ஒன்றியத்துக்குள்பட்ட பகுதியில் மாபெரும் தூய்மைப் பணிகள் நடைபெறுவதை ஆட்சியா் சனிக்கிழமை ஆய்வு செய்தாா். அப்போது, அவா் கூறியதாவது:
மாநகராட்சி, நகராட்சிகள், பேரூராட்சிகள் மற்றும் ஊராட்சிகளில் தினந்தோறும் தூய்மைப் பணிகள் மேற்கொள்ளப்பட்டு வருகிறது. குடியிருப்புப் பகுதிகளில் மக்கும் குப்பை, மக்கா குப்பை என தரம் பிரித்து வீடுகள்தோறும் தூய்மைப் பணியாளா்கள் மூலம் பெறப்பட்டு, அவற்றை தகுந்த முறையில் அப்புறப்படுத்தும் பணிகளும் நடைபெற்று வருகின்றன.
பொது இடங்களில் உள்ள குப்பைகளை எவ்வித சுகாதார சீா்கேடும் ஏற்படாத வகையில் அகற்ற தேவைக்கேற்ப மாபெரும் தூய்மைப் பணிகள் அவ்வப்போது மேற்கொள்ளப்பட்டு வருகிறது. அதனடிப்படையில், கடலூா் ஊராட்சி ஒன்றியத்துக்குள்பட்ட கோண்டூா், நத்தப்பட்டு ஊராட்சிகளில் சுங்க சாலை பகுதியில் மாபெரும் தூய்மைப் பணி பொக்லைன் இயந்திரங்கள் உதவியுடன் தூய்மைப் பணியாளா்களைக் கொண்டு நடைபெற்று வருகிறது.
இந்தப் பகுதியில் உள்ள குப்பைகளை பொதுமக்களுக்கு எவ்வித சுகாதார சீா்கேடும் ஏற்படாத வண்ணம் அகற்றிடவும், பொது இடங்களில் குப்பைகளை கொட்டுபவா்கள் மீது தகுந்த நடவடிக்கை மேற்கொண்டு தூய்மையாக பராமரிக்கவும் துறை சாா்ந்த அலுவலா்களுக்கு அறிவுறுத்தப்பட்டுள்ளது என்றாா் ஆட்சியா் சிபி ஆதித்யா செந்தில்குமாா்.
ஆய்வின்போது, மாவட்ட ஊரக வளா்ச்சி முகமையின் கூடுதல் ஆட்சியா் ர.அ.பிரியங்கா, உதவி இயக்குநா் (ஊராட்சிகள்) ஷபானா அஞ்சும் உள்பட துறை சாா்ந்த அலுவலா்கள் கலந்துகொண்டனா்.
