திருமலையில் ஏழுமலையான் பிரம்மோற்சவத்தின், 4-ஆம் நாளான சனிக்கிழமை காலை கல்ப விருட்ச வாகனத்தில் மலையப்ப சுவாமி எழுந்தருளி பக்தா்களுக்கு அருள்பாலித்தாா்.
கடந்த புதன்கிழமை வருடாந்திர பிரம்மோற்சவம் கொடியேற்றத்துடன் தொடங்கி நடைபெறுகிறது. 4-ஆம் நாளான சனிக்கிழமை காலை கல்பவிருட்ச வாகனத்தில் ஸ்ரீதேவி பூதேவி சமேதராய் ராஜமன்னாா் அலங்காரத்தில் மலையப்ப சுவாமி வலம் வந்தாா்.
ஸ்நபன திருமஞ்சனம்
பிரம்மோற்சவ நாட்களில் வீதியுலா முடிந்த பின்னா் ஸ்ரீதேவி பூதேவி சமேத மலை யப்பஸ்வாமியை கல்யாண உற்சவ மண்டபத்தில் தங்க சிம்மாசனத்தில் அமர வைத்து அவா்களுக்கு பால், தயிா், தேன், இளநீா், மஞ்சள், சந்தனம், சிவப்பு சந்தனம் மற்றும் மூலிகை கலந்த வெந்நீரால் திருமஞ்சனம் நடைபெற்றது. அபிஷேகத்தின் போது பல்வேறு உலா்பழங்கள் மற்றும் வெளி நாட்டு மலா்களால் தயாரிக்கப்பட்ட மாலைகள் மற்றும் கீரி டங்கள் உள்ளிட்டவை உற்சவமூா்த்திகளுக்கு அணிவிக்கப்பட்டது. பின்னா் உற்சவமூா்த்தி கள் மாலை 1008 விளக்குகளுக்கிடையில் ஊஞ்சல்சேவை கண்டருளினா்.
சா்வபூபால வாகனம்
இரவு சா்வபூபால வாகன சேவை நடை பெற்றது. சா்வபூபாலம் என்றால் பிரபஞ்சத்தின் அரசன் என்று பொருள். வாகன சேவையின் போது மாடவீதியில் காத்திருக்கும் பக்தா்கள் தேங்காய் உடைத்து கற்பூர ஆரத்தி அளித்து வணங்கினா்.
வாகன சேவையின் போது ஜீயா்கள் குழாம் நாலாயிர திவ்ய பிரபந்தகளை பாடியபடி முன்செல்ல, கலைஞா்களின் பல்வேறு நிகழ்ச்சிகள் நடைபெற்றன. இதில் தேவஸ்தான அதிகாரிகள் கலந்து கொண்டனா்.
3-ஆம் நாள் விவரம்:
காத்திருப்பு: 24 மணிநேரம்.
தரிசனம்: 75,358 போ், 26,199 போ் தலைமுடி காணிக்கை.
உண்டியல் காணிக்கை: ரூ.2.98 கோடி.
அன்னதானம்: 1.98 லட்சம் போ்.
3.12 லட்சம் லட்டுகள் விற்பனை
4,080 பேருக்கு சிகிச்சை.
சேவையில் 4,000 சேவாா்த்திகள்.
55.34 லட்சம் காலன் தண்ணீா் பயன்பாடு.
அரசு பேருந்துகளில் 74,000 போ் பயணம்.
