இறுதிப் போட்டியில் அல்கராஸுடன் மோதல்: சாதனை படைப்பாரா சின்னர்?
நீலகிரி மாவட்டத்தில் அரசின் கனவு இல்லம் திட்டத்தின் கீழ் 1,204 வீடுகள் கட்டி முடிக்கப்பட்டுள்ளதாக மாவட்ட ஆட்சியா் லட்சுமி பவ்யா தன்னேரு தெரிவித்துள்ளாா்.
இது குறித்து அவா் வெளியிட்டுள்ள செய்திக் குறிப்பு:
தமிழ்நாடு அரசு சாா்பில் குடிசைகளில் வாழும் குடும்பங்களுக்கு நிரந்தர வீடுகள் கட்டித் தரும் திட்டத்தின் கீழ் ஊரகப் பகுதிகளில் உள்ள குடிசைகளை மாற்றி பாதுகாப்பான நிரந்தர கான்கிரீட் வீடுகளை அமைத்துத் தரும் நோக்கத்துடன் சொந்தமாக கான்கிரீட் வீடு கட்டித் தருவது தான் அரசின் கனவு இல்லம் திட்டம் ஆகும்.
அதன்படி, நீலகிரி மாவட்டத்தில் 2024-2025-ஆம் ஆண்டு அரசின் கனவு இல்லம் திட்டத்தின் கீழ் உதகையில் 255 வீடுகள், குன்னூா் பகுதியில் 139 வீடுகள், கோத்தகிரி பகுதியில் 269 வீடுகள், கூடலூா் பகுதியில் 634 வீடுகள் என மொத்தம் 1,297 வீடுகள் கட்ட இலக்கு நிா்ணயிக்கப்பட்டதில், உதகையில் 244 வீடுகள், குன்னூா் பகுதியில் 138 வீடுகள், கோத்தகிரி பகுதியில் 261 வீடுகள், கூடலூா் பகுதியில் 561 வீடுகள் என தற்போது வரை மொத்தம் 1,204 வீடுகள் கட்டி முடிக்கப்பட்டுள்ளன. மீதமுள்ள 93 வீடுகள் கட்டுமானப் பணிகள் பல்வேறு நிலைகளில் நடைபெற்று வருவதாக தெரிவித்துள்ளாா்.
