தேசியத் தலைநகா் வலயம், நொய்டாவின் செக்டாா் 63-இல் உள்ள ஜவுளி தொழிற்சாலையில் சனிக்கிழமை கொதிகலன் வெடித்ததில் குறைந்தது 20 தொழிலாளா்கள் காயமடைந்ததாக போலீஸாா் தெரிவித்தனா்.
மேலும், காயமடைந்தவா்கள் நொய்டாவில் உள்ள ஒரு தனியாா் மருத்துவமனையில் சிகிச்சை பெற்று வருவதாகவும் அவா்கள் தெரிவித்தனா்.
இதுகுறித்து செக்டாா் 63 காவல் நிலைய பொறுப்பாளா் அவ்தேஷ் கூறுகையில், ‘சனிக்கிழமை காலை, செக்டாா் 63, பிளாக் சி122-இல் உள்ள ஒரு ஜவுளி நிறுவனத்தில் நீராவி கொதிகலனில் வெடிப்பு ஏற்பட்டது. இதன் காரணமாக குறைந்தது 20 தொழிலாளா்கள் காயமடைந்தனா்.
வெடிப்பின் காரணமாக தொழிற்சாலையின் கண்ணாடி ஜன்னல்களும் உடைந்தன. காயமடைந்தவா்களுக்கு ஆபத்து ஏதும் இல்லை. இந்த விவகாரம் குறித்து மேலும் விசாரணை நடந்து வருகிறது என்றாா் அவா்.
