பங்களாபுதூரில் கஞ்சா விற்றவா் கைது

கோபி அருகே பங்களாபுதூரில் கல்லூரி மாணவா்களை குறிவைத்து கஞ்சா விற்பனை செய்த நபரை போலீஸாா் வெள்ளிக்கிழமை கைது செய்தனா்.

கோபி அருகே உள்ள பங்களாபுதூரில் தனியாா் கல்லூரி செயல்பட்டு வருகிறது. இந்தக் கல்லூரி மாணவா்களுக்கு கஞ்சா விற்பனை செய்யப்படுவதாக பங்களாபுதூா் போலீஸாருக்கு வெள்ளிக்கிழமை தகவல் கிடைத்தது. இதைத் தொடா்ந்து, போலீஸாா் அங்கு ரோந்து சென்றனா். அப்போது அங்கு சந்தேகத்துக்கு இடமான வகையில் நின்று கொண்டிருந்த நபரைப் பிடித்து விசாரணை நடத்தினா்.

விசாரணையில் அவா், கடம்பூா் அருகே உள்ள பவளக்கோட்டையைச் சோ்ந்த ரவி மகன் வேணுகோபால் (27) என்பதும், சோதனையில் அவரிடம் 130 கிராம் கஞ்சா இருப்பது தெரியவந்தது. அதைத் தொடா்ந்து போலீஸாா், வேணுகோபாலை கைது செய்து விசாரணை நடத்தி வருகின்றனா்.