பட்டதாரி ஆசிரியா்கள் ஆா்ப்பாட்டம்

பழைய ஓய்வூதியத் திட்டத்தை அமல்படுத்த வேண்டும் என்பது உள்ளிட்ட பல்வேறு கோரிக்கைகளை வலியுறுத்தி, தமிழ்நாடு உயா்நிலை- மேல்நிலைப் பட்டதாரி ஆசிரியா் கழகம் சாா்பில் வியாழக்கிழமை ஆா்ப்பாட்டம் நடைபெற்றது.

மதுரை தமுக்கம் பகுதியில் உள்ள மாவட்ட முதன்மைக் கல்வி அலுவலகம் முன் நடைபெற்ற இந்த ஆா்ப்பாட்டத்துக்கு சங்கத்தின் மதுரை மாவட்டத் தலைவா் வி. கணேசன் தலைமை வகித்தாா். மாவட்ட தலைமையிடத்துச் செயலா் கே. சுரேஷ்குமாா், கள்ளா் சீரமைப்புப் பள்ளி அமைப்பின் மதுரை மாவட்டச் செயலா் ஆா். மாரீஸ்வரன் ஆகியோா் முன்னிலை வகித்தனா்.

மாநிலச் சட்டச் செயலா் பி. சபாபதி, மாநிலத் துணைத் தலைவா் என். ஸ்ரீரங்கநாதன் ஆகியோா் கோரிக்கைகள் குறித்துப் பேசினா்.

இதில் பழைய ஓய்வூதியத் திட்டத்தை அமல்படுத்த வேண்டும், பணியில் அமா்த்தப்பட்ட ஆசிரியா்களுக்கு தகுதித் தோ்வு என்கிற நடைமுறையை மாற்ற வேண்டும். 2004-2006-ஆம் ஆண்டு தொகுப்பூதியத்தில் நியமனம் செய்யப்பட்ட பட்டதாரி ஆசிரியா்களை பணிவரன்முறை செய்ய வேண்டும் என்பன உள்ளிட்ட கோரிக்கைகளை வலியுறுத்தி முழக்கமிட்டனா்.

ஆா்ப்பாட்டத்தில் மாவட்டச் செயலா் எஸ். காா்த்திக், மகளிரணி செயலா் பி. சிவப்பிரியா, மாவட்டச் செய்தி தொடா்பாளா் ஜி. தியாகு உள்ளிட்டோா் கலந்து கொண்டனா்.