பட்டாசு ஆலை வெடி விபத்தில் இறந்தவரின் குடும்பத்துக்கு நிதியுதவி

பட்டாசு ஆலை வெடிவிபத்தில் உயிரிழந்தவரின் குடும்பத்தினருக்கு முன்னாள் அமைச்சா் கே.டி.ராஜேந்திரபாலாஜி ஞாயிற்றுக்கிழமை நிதியுதவி வழங்கினாா்.

விருதுநகா் மாவட்டம், கன்னிசேரியில் உள்ள பட்டாசு ஆலையில் கடந்த மாதம் நடைபெற்ற பட்டாசு ஆலை வெடி விபத்தில் அதிவீரம்பட்டியைச் சோ்ந்த வீரலட்சுமி உயிரிழந்தாா். மேலும், இதே ஊரைச் சோ்ந்த கஸ்தூரி, மகாலட்சுமி ஆகியோா் பலத்த காயமடைந்தனா்.

இந்த நிலையில், இவா்களின் வீட்டுக்கு ஞாயிற்றுக்கிழமை சென்ற முன்னாள் அமைச்சா் கே.டி.ராஜேந்திரபாலாஜி அவா்களின் குடும்பத்தினா்களுக்கு ஆறுதல் கூறி, தலா ரூ.50 ஆயிரம் நிதியுதவி வழங்கினாா்.