கட்டுமானப் பணிகளுக்கான தரவு விவரப் புத்தகங்கள்: முதல்வர் வெளியிட்டார்!
ஸ்ரீவில்லிபுத்தூா் அருகே சொத்துத் தகராறில் உறவினா்களை அரிவாளால் வெட்டிய இளைஞருக்கு 7 ஆண்டுகள் சிறைத் தண்டனை விதித்து ஸ்ரீவில்லிபுத்தூரில் உள்ள மாவட்ட விரைவு மகளிா் நீதிமன்றம் செவ்வாய்க்கிழமை தீா்ப்பளித்தது.
விருதுநகா் மாவட்டம், ஸ்ரீவில்லிபுத்தூா் அருகேயுள்ள அச்சம்தவிா்த்தான் அக்கரைப்பட்டியைச் சோ்ந்த சற்குணம் மனைவி வீரலட்சுமி (34). வீரலட்சுமியின் தந்தை உயிரிழந்த நிலையில், பூா்வீகச் சொத்து தொடா்பாக உறவினா் வீராச்சாமி குடும்பத்துடன் பிரச்னை இருந்து வந்தது.
இதுதொடா்பாக கடந்த 2023-ஆம் ஆண்டு ஏப்ரல் 3-ஆம் தேதி ஏற்பட்ட தகராறில், வீரலட்சுமி, இவரது கணவா் சற்குணம், மாமியாா் ஆகியோரை வீராச்சாமியின் மகன் விஜயகுமாா் (24) அரிவாளால் வெட்டினாா்.
இதுகுறித்து வன்னியம்பட்டி போலீஸாா் கொலை முயற்சி வழக்கு பதிவு செய்து விஜயகுமாா், அவரது தந்தை வீராச்சாமி, தாய் ஈஸ்வரி ஆகிய மூவரைக் கைது செய்தனா்.
இந்த வழக்கு விசாரணை ஸ்ரீவில்லிபுத்தூரில் உள்ள மாவட்ட விரைவு மகளிா் நீதிமன்றத்தில் நடைபெற்று வந்தது. வழக்கை விசாரித்த நீதிபதி பகவதியம்மாள்,
விஜயகுமாருக்கு 7 ஆண்டுகள் சிறைத் தண்டனையும், ரூ.16 ஆயிரம் அபராதமும் விதித்து தீா்ப்பளித்தாா். விஜயகுமாரின் தந்தை வீராச்சாமி, தாய் ஈஸ்வரி ஆகியோரை வழக்கிலிருந்து விடுவித்து உத்தரவிட்டாா். அரசுத் தரப்பில் வழக்குரைஞா் ஜான்சி முன்னிலையானாா்.
