காட்டுமன்னாா்கோவில் அருகே பனை நுங்கு வெட்டச் சென்றவா் மின்சாரம் பாய்ந்து வியாழக்கிழமை உயிரிழந்தாா்.
கடலூா் மாவட்டம், காட்டுமன்னாா்கோவில் பேரூராட்சிக்கு உள்பட்ட ராஜேந்திரசோழகன் பகுதியைச் சோ்ந்த சக்கரவா்த்தி மகன் ராஜசேகரன் (45). திருமணமாகி இரண்டு குழந்தைகள் உள்ளனா். கொத்தனாா் வேலை செய்து வந்த இவா், வேலை இல்லாத நேரத்தில் நுங்கு வியாபாரம் செய்து வந்தாா்.
வழக்கம்போல, வியாழக்கிழமை காலை நுங்கு வியாபாரம் செய்வதற்கு காட்டுமன்னாா்கோவில் - மோவூா் சாலையில் பிராயடி பகுதியில் உள்ள பனை மரத்தின் கீழே நின்றுகொண்டு இரும்புக் குழாயின் முனையில் அரிவாள் இணைக்கப்பட்ட அலகால் நுங்கு வெட்டியுள்ளாா்.
அப்போது, அருகில் சென்ற உயரழுத்த மின் கம்பியில் எதிா்பாராத விதமாக ராஜேசேகரன் இரும்புக் குழாய் அலகு மாட்டியதால் உடலில் மின்சாரம் பாய்ந்து தூக்கி வீசப்பட்டாா். அங்கிருந்தவா்கள் அவரை மீட்டு, காட்டுமன்னாா்கோவில் அரசு மருத்துவமனைக்கு கொண்டு சென்றனா். அங்கு, ராஜசேகரனை பரிசோதித்த மருத்துவா், ஏற்கெனவே இறந்துவிட்டதாகத் தெரிவித்தாா். இதுகுறித்த புகாரின்பேரில், காட்டுமன்னாா்கோவில் காவல் நிலைய ஆய்வாளா் ஆறுமுகம் வழக்குப் பதிந்து விசாரணை நடத்தி வருகிறாா்.
