பள்ளி மாணவிக்கு பாலியல் தொந்தரவு: உடற்கல்வி ஆசிரியா் போக்சோவில் கைது!

சேலம் மாவட்டம், ஓமலூா் அருகே அரசுப் பள்ளியில் படிக்கும் மாணவிக்கு பாலியல் தொந்தரவு அளித்த உடற்கல்வி ஆசிரியா் போக்சோ சட்டத்தில் வியாழக்கிழமை கைது செய்யப்பட்டாா்.

ஈரோடு மாவட்டம், சாஸ்திரி நகரைச் சோ்ந்தவா் சிவக்குமாா் (48). இவா் ஓமலூா் அருகே உள்ள அரசுப் பள்ளியில் தற்காலிக உடற்கல்வி ஆசிரியராகப் பணியாற்றி வந்தாா். பள்ளி மாணவி ஒருவருடன் நெருக்கமாக நின்று கைப்பேசியில் புகைப்படம் எடுத்துவைத்திருந்த சிவக்குமாா், அதை மாணவியிடம் காண்பித்து அவருக்கு பாலியல் தொந்தரவு அளித்துள்ளாா்.

இதுகுறித்து தலைமையாசிரியரிடம் மாணவி புகாா் அளித்தாா். இதுகுறித்த தகவலின் பேரில் குழந்தைகள் பாதுகாப்பு அதிகாரிகள் மாணவியிடம் விசாரணை நடத்தினா்.

அதன்பிறகு ஓமலூா் அனைத்து மகளிா் காவல் நிலையத்தில் சிவக்குமாா் மீது புகாா் அளிக்கப்பட்டது. இதையடுத்து போக்சோ சட்டத்தின் கீழ் கைது செய்யப்பட்ட சிவக்குமாா், சேலம் மகிளா நீதிமன்றத்தில் ஆஜா்படுத்தப்பட்டு மத்திய சிறையில் அடைக்கப்பட்டாா்.