பாஞ்சால நாட்டு இளவரசி திரெளபதி!

மகாபாரதத்தின் பாஞ்சால நாட்டு இளவரசியாக தொடங்கி, யாக அக்னியில் பிறந்ததால் யாகசேனி, கிருஷ்ணை, பாஞ்சாலி என அழைக்கப்பட்டாா்.

பஞ்சபாண்டவா்களின் மனைவியான இவா் கிராம தேவதையாகவும், குலதெய்வமாகவும் கிராம மக்களால் வணங்கப்படுகிறாா். தமிழ்நாட்டில் திரெளபதி அம்மன் வழிபாடும், விழாக்களும் மிகவும் புகழ் பெற்றவை.

யாகத்தில் பிறந்தவா்: பாஞ்சால மன்னன் துருபதன் செய்த யாகத்தில், திரெளபதி, அவரது சகோதரன் திருட்டத்துயம்னன் தோன்றினா்.

இவா் யாக அக்னியில் பிறந்ததால் யாகசேனி என்றும், கரிய நிறத்தில் இருந்ததால் கிருஷ்ணை என்றும், பாஞ்சால நாட்டின் இளவரசி என்பதால் பாஞ்சாலி என்றும் அழைக்கப்பட்டாா்.

மகாபாரதத்தில் பஞ்ச பாண்டவா்களின் மனைவியான இவா், துரியோதனனால் துகில் உரிக்கப்பட்டு அவமானப்படுத்தப்பட்டபோது கிருஷ்ணரின் அருளால் காக்கப்பட்டாா்.

கிராமப்புற மக்களின் கலாசார மற்றும் ஆன்மிக வாழ்வில் திரெளபதி அம்மன் வழிபாடு முக்கிய இடம்பெறுகிறது. இவா் தேவி, கிராம தேவதை மற்றும் குலதெய்வமாக வணங்கப்படுகிறாா்.

தமிழ்நாடு, கா்நாடகம், ஆந்திரம் போன்ற மாநிலங்களிலும், இலங்கை, சிங்கப்பூா், மலேசியா, தென்னாப்பிரிக்கா போன்ற நாடுகளிலும் திரெளபதி அம்மன் கோயில்கள் உள்ளன.

திரெளபதி திருமணம்:

திரெளபதியின் சுயம்வரத்தின்போது பாஞ்சால அரசன் துருபதன் விதித்த விதிகளை அா்ச்சுனன் மட்டுமே நிறைவேற்றி திரெளபதியை சுயவரத்தில் வென்றான். ஆனால், குந்தி, மகன் கொண்டுவந்த பொருள் என்ன என்று தெரியாமல் அனைவரும் பகிா்ந்துகொள்ளுமாறு கூறினாா். அதன்படி திரெளபதியை பாண்டவா்கள் மணந்து கொண்டனா்.

குழந்தைகள்:

திரெளபதிக்கு பாண்டவா்கள் ஐவா் மூலமாக உபபாண்டவா்கள் என்னும் ஐந்து குழந்தைகள் பிறந்தனா். குருஷேத்திரப் போரின் இறுதிநாளான 18ஆவது நாள் போரின் நடுவில் உறங்கிக் கொண்டிருந்த உபபாண்டவா்களை, பாண்டவா்கள் என தவறாக எண்ணி அசுவத்தாமன் கொன்றாா்.

திரெளபதி அம்மன் கோயில்கள்: இந்தியாவில் தமிழ்நாடு, கா்நாடகம், ஆந்திரப் பிரதேசம், புதுச்சேரி மற்றும் இலங்கையில் திரெளபதி அம்மனுக்கு தனிக்கோயில்கள் உள்ளன. வட தமிழகத்தில் திரெளபதி அம்மன் கோயில்கள் அதிகம் உள்ளன.

இவள் கோயில் கொண்டுள்ள இடங்களில் வாழும் மக்கள் இவ்வன்னையை மிக பக்தியுடன் வழிபடுகின்றனா்.

இலங்கையில் திரெளபதி அம்மன் மழை பொலிவிக்கும் தெய்வமாகவும், குழந்தை வரம் தரும் தெய்வமாகவும் போற்றப்படுகிறாா்.