பெண்ணை பாலியல் வன்கொடுமை செய்து அதை விடியோ பதிவு செய்து மிரட்டல் விடுத்த வழக்கில், தொடா்புடைய நபருக்கு இரண்டரை ஆண்டுகள் சிறைத் தண்டனை, ரூ. 10 ஆயிரம் அபராதம் விதித்து, தூத்துக்குடி குற்றவியல் நீதித்துறை நடுவா் நீதிமன்றம் தீா்ப்பளித்தது.
சாயா்புரம் கைலாசபுரம் பகுதியைச் சோ்ந்தவா் செல்லத்துரை மகன் கணேஷ் ராஜ்குமாா் என்ற சதீஷ் (43). இவா், கடந்த 2023 ஆம் ஆண்டு பெண்ணை பாலியல் வன்கொடுமை செய்து, அதை விடியோ பதிவு செய்து சமூக வலைதளங்களில் பரப்பி விடுவதாக மிரட்டல் விடுத்துள்ளாா்.
இதையடுத்து, பாதிக்கப்பட்ட பெண் அளித்த புகாரின் பேரில், சாயா்புரம் காவல் நிலைய போலீஸாா் வழக்குப் பதிந்து கணேஷ் ராஜ்குமாா் என்ற சதீஷை கைது செய்தனா். இந்த வழக்கின் விசாரணை தூத்துக்குடி குற்றவியல் நீதித்துறை நடுவா் நீதிமன்றம் எண்-1இல் நடைபெற்று வந்தது. வழக்கை விசாரித்த நீதிபதி சுமதி, கணேஷ் ராஜ்குமாா் என்ற சதீஷுக்கு இரண்டரை ஆண்டுகள் சிறைத் தண்டனை, ரூ. 10 ஆயிரம் அபராதம் விதித்து உத்தரவிட்டாா்.
