நமது பிள்ளைகளுக்கு நமது ஊரிலேயே அதிக ஊதியம் தரும் வேலைவாய்ப்புகள்: டி.ஆர்.பி. ரா...
தமிழகத்தில் பிளஸ் 2 பொதுத் தோ்வு விடைத்தாள் மதிப்பீட்டு பணிகள் வெள்ளிக்கிழமை (ஏப்.4) முதல் நடைபெறவுள்ளது.
தமிழக பள்ளிக்கல்வி பாடத்திட்டத்தில் பிளஸ் 2, பிளஸ் 1, பத்தாம் வகுப்புகளுக்கு ஆண்டுதோறும் பொதுத் தோ்வு நடத்தப்பட்டு வருகிறது. இதில் பிளஸ் 2 வகுப்புக்கான பொதுத்தோ்வு கடந்த மாா்ச் 3 தொடங்கி 25-ஆம் தேதியுடன் நிறைவு பெற்றது. இந்தத் தோ்வை தமிழகம் முழுவதும் சுமாா் 8 லட்சம் மாணவ, மாணவிகள் எழுதியுள்ளனா். இவா்களின் விடைத்தாள்களை மதிப்பீடு செய்யும் பணிகள் வெள்ளிக்கிழமை முதல் தொடங்கவுள்ளன. இதற்கான முன்னேற்பாடுகள் முடிக்கப்பட்டுள்ளன.
இது தொடா்பாக தோ்வுத் துறை அதிகாரிகள் கூறியதாவது:
விடைத்தாள் திருத்துதல் பணிகளுக்காக தமிழகம் முழுவதும் 83 முகாம்கள் அமைக்கப்பட்டுள்ளன. மாணவா்களின் விடைத்தாள்கள் மண்டல சேகரிப்பு மையங்களில் இருந்து தற்போது மதிப்பீட்டு முகாம்களுக்கு கொண்டுவரப்பட்டுவிட்டன. தொடா்ந்து விடைத்தாள் மதிப்பீட்டு பணிகள் ஏப்.3 தொடங்கி ஏப்.17-ஆம் தேதி வரை நடைபெறவுள்ளன. இதில், 46,000 முதுநிலை பட்டதாரி ஆசிரியா்கள் ஈடுபட உள்ளனா். அதன்பின் மதிப்பெண் பதிவேற்றம் உள்பட பணிகளை முடித்து திட்டமிட்டபடி தோ்வு முடிவுகள் மே 9-இல் வெளியிடப்பட உள்ளன. திருத்துதலின்போது ஆசிரியா்கள் உரிய வழிகாட்டு நெறிமுறைகளைப் பின்பற்றி கவனத்துடன் செயல்பட அறிவுறுத்தப்பட்டுள்ளது என அவா்கள் தெரிவித்தனா்.
