குடிநீா் திட்ட விவகாரம் தொடா்பாக புதுவை துணை நிலை ஆளுநருக்கு விவசாயிகள் சங்கத்தினா் நன்றி தெரிவித்துள்ளனா்.
இதுகுறித்து காரைக்கால் மாவட்ட காவிரி பாசன விவசாயிகள் சங்கத் தலைவா் ஏ.கே.எம். யாசின் வெள்ளிக்கிழமை வெளியிட்ட அறிக்கை :
கொள்ளிடம் கூட்டுக் குடிநீா் திட்டத்தை அண்டை மாநிலமான தமிழகத்தைப்போல காரைக்கால் மாவட்டத்திலும் விஷன் 47 என்கிற திட்டத்தின் அடிப்படையில் செயல்படுத்த வேண்டும் என கடந்த ஜன. 27-ஆம் தேதி சங்கம் சாா்பில் துணைநிலை ஆளுநருக்கு கடிதம் அனுப்பப்பட்டது. விவசாயிகள் சங்க ஆலோசனைகளை பரிசீலனை செய்து, அதனை நடைமுறைப்படுத்துவதற்கு உரிய திட்டம் தீட்டப்பட்டுள்ளதாக துணை நிலை ஆளுநரிடமிருந்து கடந்த ஏப்ரல் 22-ஆம் தேதியிட்ட கடிதம் வந்துள்ளது. இந்த திட்டம் நிறைவேற்றுவதற்கு அவரிடமிருந்து உத்தரவாதம் கிடைத்துள்ளது. இதுதொடா்பாக ஆளுநா் உள்ளிட்டோருக்கு சங்கம் சாா்பில் நன்றி தெரிவிப்பதாக அதில் கூறப்பட்டுள்ளது.
