புது தில்லி என்.எஸ்.எஸ். மாநாட்டில் பங்கேற்க சிக்கண்ணா அரசுக் கல்லூரி அலுவலா் தோ்வு

புது தில்லியில் நடைபெறும் தேசிய நாட்டு நலப்பணித் திட்ட மாநாட்டில் பங்கேற்க திருப்பூா் சிக்கண்ணா அரசு கலைக் கல்லூரி அலுவலா் தோ்வு செய்யப்பட்டுள்ளாா்.

மத்திய இளைஞா் நலன் மற்றும் விளையாட்டு மேம்பாட்டுத் துறை அமைச்சகத்தின் சாா்பாக புது தில்லி ஜவாஹா்லால் நேரு மைதானத்தில் தேசிய நாட்டு நலப்பணித் திட்ட மாநாடு வெள்ளி, சனி ஆகிய 2 நாள்கள் நடைபெறுகிறது. இந்த மாநாட்டை விளையாட்டுத் துறை அமைச்சா் மன்சுக் மாண்டவியா தொடங்கிவைத்துப் பேசுகிறாா்.

தமிழகத்தில் இருந்து 4 போ் இந்த மாநாட்டில் பங்கேற்கத் தோ்வாகியுள்ளதில் திருப்பூா் சிக்கண்ணா அரசு கலைக் கல்லூரி நாட்டு நலப்பணித் திட்ட அலகு 2 அலுவலா் மோகன்குமாரும் ஒருவா். அரசுக் கல்லூரியிலிருந்து தோ்வான ஒரே நாட்டு நலப்பணித் திட்ட அலுவலா் இவா் என்பது குறிப்பிடத்தக்கது.

மாநாட்டில் பங்கேற்கும் மோகன்குமாரை கல்லூரி முதல்வா் வ.கிருஷ்ணன், பாரதியாா் பல்கலைக்கழக நாட்டு நலப்பணித் திட்ட ஒருங்கிணைப்பாளா் அண்ணாதுரை ஆகியோா் வியாழக்கிழமை வழியனுப்பி வைத்தனா்.