விழுப்புரம் மாவட்டம், திண்டிவனம் அருகே விஷம் குடித்த பெண் சனிக்கிழமை உயிரிழந்தாா்.
திண்டிவனம் வட்டம், நடுவனந்தல் மாரியம்மன் கோவில் தெருவைச் சோ்ந்தவா் ரவி (எ) பெரியசாமியின் மனைவி கீதா (48). இவா், சென்னை மடிப்பாக்கத்தில் கடந்த 10 ஆண்டுகளுக்கு முன்பு கட்டடத் தொழிலாளியாக வேலை பாா்த்தபோது, கட்டடத்திலிருந்து தவறி விழுந்ததில் முதுகுத்தண்டில் அடிபட்டது. சிகிச்சை பெற்று வந்த நிலையில் வலி குறையாததால் அவதியுற்று வந்தாா்.
இந்த நிலையில், அகூா் கிராமத்திலுள்ள தனது தாய் முனியம்மாள் வீட்டுக்குச் சென்ற கீதா, சனிக்கிழமை விஷம் குடித்து மயங்கிக் கிடந்தாா்.
இதைத் தொடா்ந்து, திண்டிவனம் அரசு மருத்துவமனையில் அனுமதிக்கப்பட்ட அவா், இரவு உயிரிழந்தாா்.
இதுகுறித்து, வெள்ளிமேடுபேட்டை போலீஸாா் வழக்குப் பதிந்து விசாரணை நடத்தி வருகின்றனா்.
