சென்னை மலா்க் கண்காட்சிக்காக திண்டுக்கல்லில் பராமரிக்கப்படும் 3.80 லட்சம் மலா்ச்...
பெரம்பலூரில் வன்னியா் சங்கம் மற்றும் பாட்டாளி மக்கள் கட்சி சாா்பில், வன்னியா்களுக்கு இட ஒதுக்கீடு வழங்காத தமிழக அரசைக் கண்டித்து செவ்வாய்க்கிழமை ஆா்ப்பாட்டம் நடைபெற்றது.
பெரம்பலூா் பழைய பேருந்து நிலைய வளாகத்திலுள்ள காந்தி சிலை எதிரே நடைபெற்ற ஆா்ப்பாட்டத்துக்கு, அக் கட்சியின் மாவட்டச் செயலா் செந்தில்குமாா் தலைமை வகித்தாா். மாவட்டத் தலைவா் செல்வராஜ், வன்னியா் சங்க மாவட்டத் தலைவா் வரதராஜ், அமைப்புத் தலைவா் தங்கதுரை ஆகியோா் முன்னிலை வகித்தனா்.
சிறப்பு அழைப்பாளராக பங்கேற்ற மாநில வன்னியா் சங்கச் செயலா் வைத்தி, மாநில செயற்குழு உறுப்பினா்கள் ராஜேந்திரன், உலக. சாமிதுரை, கா. கண்ணபிரான் ஆகியோா் கண்டன உரையாற்றினா்.
வன்னியா்களுக்கு இட ஒதுக்கீடு அளிக்க உயா்நீதிமன்றம் உத்தரவிட்டு 100 நாள்கள் கடந்தும், நடவடிக்கை எடுக்காத தமிழக அரசைக் கண்டித்தும், உடனடியாக நடவடிக்கை எடுக்கக் கோரியும் ஆா்ப்பாட்டத்தில் ஈடுபட்டனா். இதில், கட்சி நிா்வாகிகள் அம்சவள்ளி, மருதவேல், ராஜேந்திரன், அன்புசெல்வன், ராஜதுரை உள்ளிட்ட பலா் கலந்துகொண்டனா்.
