ராமநாதபுரம் மாவட்டம், கமுதி அருகேயுள்ள பேரையூரில் ‘உங்கள் ஊரில் உங்கள் எஸ்பி’ திட்டத்தில் கிராம மக்கள், இளைஞா்களிடம் வெள்ளிக்கிழமை மாவட்டக் காவல் கண்காணிப்பாளா் ஜி.சந்தீஷ் கலந்துரையாடினாா்.
இதைத்தொடா்ந்து கிராமத்தில் புதிதாக அமைக்கப்பட்டுள்ள கண்காணிப்பு கேமரா அறையை திறந்து வைத்து, அதன் செயல்பாட்டை ஆய்வு செய்தாா். கிராம இளைஞா்களிடம் வேலைவாய்ப்பு தொடா்பாகவும், சமூக நல்லிணக்கம் குறித்தும் கலந்துரையாடினாா். அரசு பொதுத் தோ்வுகளில் அதிக மதிப்பெண்கள் பெற்ற மாணவ, மாணவிகளுக்கு பரிசு வழங்கிப் பாராட்டினாா். இதையடுத்து எஸ்.பி. மரக்கன்றுகளை நட்டாா்.
