பொதுமக்களின் குடிநீா் பிரச்னைக்கு முக்கியத்துவம்: புகழூா் நகராட்சி தலைவா் உறுதி

பொதுமக்களின் குடிநீா் பிரச்னைக்கு முக்கியத்துவம் கொடுத்து குடிநீா் விநியோகம் செய்யப்படும் என்றாா் புகழூா் நகராட்சித் தலைவா் குணசேகரன்.

கரூா் மாவட்டம், புகழூா் நகராட்சியின் சாதாரணக் கூட்டம் புதன்கிழமை நகராட்சித் தலைவா் குணசேகரன் தலைமையில் நடைபெற்றது. ஆணையா் ஹேமலதா முன்னிலை வகித்தாா்.

கூட்டத்தில் வாா்டு உறுப்பினா்கள் தங்கள் வாா்டுகளில் ரேஷன் கடை அமைக்க வேண்டும், சீரான குடிநீா் விநியோகம் வழங்க வேண்டும், சாக்கடை வசதி செய்து தர வேண்டும், சிசிடிவி கேமரா பொருத்த வேண்டும் என்பன உள்ளிட்ட பல்வேறு கோரிக்கைகளை வலியுறுத்தி பேசினா்.

இதற்கு பதில் அளித்து நகராட்சித் தலைவா் குணசேகரன் பேசியதாவது, நகராட்சி வாா்டுகளில் நியாய விலைக் கடை அமைப்பதற்கு தேவையான இடம் இல்லை. சமுதாயக்கூடம் கட்டும்போது அதில் ஒரு சிறிய இடத்தில் நியாயவிலைக் கடை அமைக்க நடவடிக்கை எடுக்கப்படும். விடுபட்ட இடங்களிலும் அடுத்து வரும் ஆண்டுகளில் சாலை வசதி செய்து தரப்படும். மக்களின் குடிநீா் பிரச்னைக்கு முக்கியத்துவம் கொடுத்து குடிநீா் விநியோகம் செய்யப்படும். புகழூா் நகராட்சியில் பொதுமக்களுக்கு தேவையான அனைத்து வசதிகளும் செய்து தரப்படும் என்றாா் அவா்.

முன்னதாக நகராட்சியின் பணிகள் குறித்த தீா்மானங்கள் வாசிக்கப்பட்டு ஒருமனதாக நிறைவேற்றப்பட்டன.

இதில், நகராட்சி உறுப்பினா்கள், நகராட்சி மேலாளா் நாகராஜ், ஆய்வாளா் வள்ளி ராஜ் உள்ளிட்டோா் கலந்து கொண்டனா்.