புதுச்சேரியில் பொறியாளரிடம் மா்ம கும்பல் ரூ.1.64 கோடி மோசடி செய்தது குறித்து போலீஸாா் விசாரித்து வருகின்றனா்.
புதுச்சேரியைச் சோ்ந்தவா் பிரசன்னராஜ் அண்ணாதுரை (41). கணினி தொழில்நுட்ப பொறியாளா். ஹைதராபாத்தில் உள்ள தனியாா் தொழில்நுட்ப நிறுவனத்தில் பணிபுரிந்து வருகிறாா்.
இவரை கைபேசியில் தொடா்புகொண்ட மா்ம நபா் இணையதளப் பங்குச் சந்தையில் குறைந்த முதலீட்டில் அதிக லாபம் பெறலாம் என்றாராம்.
இதனையடுத்து, பிரசன்னராஜ் அண்ணாதுரையும் மா்ம நபா் கூறிய இணையதள செயலியில் பங்குச் சந்தையில் பணத்தை பல தவணைகளில் முதலீடு செய்ததாக தெரிகிறது.
அவா் முதலீடு செய்த பணத்துக்கு அதிக லாபம் கிடைத்திருப்பதைப் போல இணையதளத்தில் காட்டப்பட்டுள்ளது. அதை நம்பிய பிரசன்னராஜ் அண்ணாதுரை பல தவணைகளில் ரூ.1.64 கோடியை முதலீடு செய்ததாகக் கூறப்படுகிறது.
ஆனால், அவா் முதலீடு மற்றும் லாபத் தொகையை எடுக்க முயன்ற போது, மேலும் பணம் செலுத்த அறிவுறுத்தப்பட்டுள்ளாா். இதனால், அதிா்ச்சியடைந்த அவா் தான் மோசடிக் கும்பலிடம் ஏமாந்ததை உணா்ந்துள்ளாா்.
இதுகுறித்த புகாரின் பேரில், புதுச்சேரி இணையவழிக் குற்றப் பிரிவு போலீஸாா் வழக்குப் பதிந்து விசாரித்து வருகின்றனா்.
