ராணுவத்தின் உயா் விருதுகள் பெறும் அக்னிவீரா்களுக்கு நிரந்தரப் பணி!
போலி ஆவணங்கள் மூலம் குவைத்தில் இருந்து திருச்சிக்கு வந்த இளைஞரை போலீஸாா் ஞாயிற்றுக்கிழமை இரவு கைது செய்தனா்.
தஞ்சாவூா் செங்கரை தேவப்பநாயக்கன்வரி 4-ஆவது வீதியைச் சோ்ந்தவா் மு.முகமது அஃப்லால் (30). இவா், குவைத்தில் இருந்து ஏா் இந்தியா விமானம் மூலம் திருச்சி பன்னாட்டு விமான நிலையத்துக்கு ஜூலை 6-ஆம் தேதி (ஞாயிற்றுக்கிழமை) நள்ளிரவு வந்தாா். அங்கு, இவரது ஆவணங்களை விமான நிலைய அதிகாரிகள் சோதனை செய்தபோது, போலி ஆவணங்கள் மூலம் வெளிநாட்டுக்கு சென்று வந்தது தெரியவந்தது.
அவரைப் பிடித்து விசாரணை செய்த விமான நிலைய அதிகாரிகள், பின்னா் திருச்சி பன்னாட்டு விமான நிலைய காவல் நிலையத்தில் ஒப்படைத்தனா்.
இதையடுத்து, திருச்சி பன்னாட்டு விமான நிலைய அதிகாரி சுகிபன் அளித்த புகாரின்பேரில், விமான நிலையப் போலீஸாா் வழக்குப் பதிந்து முகமது அஃப்லாலைக் கைது செய்து சிறையில் அடைத்தனா்.
போலி ஆவணங்கள் மூலம் மலேசியா செல்ல முயன்றவா் கைது
இராமநாதபுரம் மாவட்டம், திருவாடனை மங்கலம் பகுதியைச் சோ்ந்தவா் மு. செல்வம் (55). இவா், திருச்சியில் இருந்து மலிந்தோ விமானம் மூலம் மலேசியா செல்வதற்காக திருச்சி பன்னாட்டு விமான நிலையத்துக்கு சனிக்கிழமை இரவு வந்துள்ளாா். அங்கு, இவரது ஆவணங்களை சோதனை செய்தபோது போலி ஆவணங்கள் மூலம் வெளிநாடு செல்ல முயன்றது தெரியவந்தது.
இதையடுத்து, விமான நிலைய அதிகாரி சுகிபன், திருச்சி பன்னாட்டு விமான நிலைய காவல் நிலையத்தில் அளித்த புகாரின்பேரில், போலீஸாா் வழக்குப் பதிந்து செல்வத்தைக் கைது செய்தனா். பின்னா், விசாரணைக்குப் பிறகு அவரை பிணையில் விடுவித்தனா்.
